屋企嘅門匙,絕對係一條重要嘅防線,因為放咗出去係唔會收得番。

結咗婚兩年幾,有樣嘢我都幾堅持。由於我唔係同老爺住,守住屋企嘅門匙係尤其重要。

 

其實唔只一次提到想要我哋屋企鎖匙:「詩,你返工咁忙,冇時間執屋,等我有時間上嚟你哋度幫下你手啦,好閒啫。」背後就係想配一條我哋屋企嘅鎖匙,雖然佢講出嚟係善意,但係我真係唔想,始終要堅持守住自己嘅私隱同空間。

 

上個星期中秋節,又係去屋企食飯,老公忽然有講起我前幾日因為唔記得帶鎖匙,喺街度遊蕩咗三個鐘等佢收工開門先返到屋企。梗係又話:「唉!早叫你哋配條匙畀我啦。」

 

 

我照樣扮聽唔到。皆因一條門匙,攞起手好似好輕,其實背後意義十分沉重,絕對不容有失。