小一派位MIRROR版潮文！一文睇清填表小貼士

2022年1月22和23日是小一派位交表的大日子，假如之前小一自行分配學位未得到取錄，小朋友便需要參加小一派位「大抽獎」。其實父母填寫學校的次序甚有可能影響派位結果，到底如何填寫才好呢？有媽咪就將流行多年的「小一派位潮文」改做「小一派位MIRROR版」，包大家一睇即明！

立即了解 >> 開學前要做這件事！免費學童健康保障知多啲

例子：如你甲一填姜濤，甲二填Anson Lo ，甲三填lan；乙部一、二、三也一樣。

程序會先抽甲一，若唔中姜B，就會抽甲二，若你抽中Anson Lo ，恭喜你，甲三、乙一、乙二、乙三都不會再抽了，你會得到Anson Lo。

因此，如你很喜歡姜B ，你應在甲一填姜B，甲二和甲三留空，乙一再填姜B，乙二填Anson ，乙三填lan ，咁你就可以令你maximize抽中姜B的機會。或者我再舉一例。

全球任何明星都有粉絲會，而我們只可加入其中一個粉絲會做會員，我們要先知道幾個遊戲規則：

第一，每個會有50%可供統一派位；

第二，當中5%是甲部(全世界可跨區抽)，和45%是乙部(只供同區抽)，所以乙部名額是甲部的9倍；

第三，抽獎順序是甲1>甲2>甲3>乙1>乙2>乙3>乙4......>乙30；

第四，抽獎跟以上順序，一抽中就停，假如你甲2抽中，甲3至乙30都唔會再抽；

第五，甲部雖可填任何區，但如別區冇明星你鍾意，也可填本區。而家解釋範例：

假如你的心儀是：
我鍾意Edan >姜B >柳應廷 >193> 肥仔> Anson Lo >lan，我會填：

甲1(Edan )甲2(姜b)甲3(留空) 乙1(姜b)乙2(Anson Lo)乙3(lan )……乙29(周柏豪)乙30(曹永廉)

問題1：我點解甲3留空？做乜唔填柳應廷 ？

答：因我愛姜B>林家謙，如我在甲3抽中柳應廷 ，咁我咪等於放棄乙1抽姜B個45%機會? 所以我情願甲3留空，都要抽姜B。

問題2：點解乙2唔填193？而填Anson Lo？

 

答：假設193與姜b 是同級大熱，乙一必然45%全被抽光，乙二仲抽是呃自己，只會浪費機會，所以我填次Anson Lo 

問題3：做乜要填滿乙部30個？冇心水可否留空？

答：唔應該，因甲部留空，電腦會skip，但乙部留空，電腦會亂抽，所要乙部要盡填，起碼填一些不討厭的，否則，可能會派153畀你。

P.S 除了小一統一派位，大家亦可以去選擇林家謙或其他歌手 (即是直資私校）

在 Instagram 查看這則貼文

來源：網絡分享

圖片：mirror.weare @ IG、error.weare@IG、kennywong8384@IG

重溫>>「韓星版」小一派位潮文

認真睇 >> 教育顧問Ian Tsang : 小一統一派位如何部署？