暑假就快到，各位爸爸媽媽係咪開始煩惱點樣幫仔女放電之餘，仲可以學到嘢？香港馬灣公園挪亞方舟旗下嘅「挪亞學堂」，今年特別推出「夏日體驗營2026」，專為4至7歲同8至12歲兩個年齡組別嘅小朋友設計，透過五日日營，一次過玩勻科學實驗、藝術創作、運動競技同環保手作，等細路哥喺歡笑聲中發掘潛能、建立自信！而家只要6月21日或之前報名，仲有早鳥9折優惠，名額有限，想報名就要快手喇！
4-7歲「多元智Fun探索營」：十項全能小達人煉成記
唔好睇小4至7歲嘅小朋友，佢哋嘅好奇心同學習能力分分鐘勁過大人！「多元智Fun探索營」一連五日，每日上午9:30玩到下午3:30，內容包羅萬有，動靜皆宜。
鍾意音樂嘅小朋友，必定愛上「非你莫屬」環節，一齊大玩非洲鼓同埋熱情舞蹈，提升節奏感同肢體協調。鍾意「做實驗」嘅，就可以走入「科學奇技」世界，親手拆解物理學原理，邊玩邊培養邏輯思維。仲有「人體研究所」，透過趣味遊戲認識呼吸同消化系統，不知不覺學識健康生活習慣。
想培養環保意識？「環保工藝師」工作坊透過創意手作同遊戲，教導小朋友減廢回收嘅重要性。至於鍾意煮嘢食嘅「為食鬼」，就一定唔可以錯過「小小廚神」烘焙體驗，由新鮮食材變成美味佳餚，享受親手製作嘅滿足感。每日仲設有「夏日運動會」同「繩網大挑戰」，俾精力無限嘅小朋友盡情放電，鍛煉體格同膽量！
8-12歲「全方位STEAM挑戰營」：未來科學家實戰體驗
對於求知慾爆棚嘅高小學生，「全方位STEAM挑戰營」就更加刺激！同樣係五日全日營，內容全面升級，讓孩子化身「小小研究員」。
其中焦點活動包括「空氣炮製作坊」，學員可以親手製作強勁空氣炮，從中學習氣壓同力學定律；「紙鳶飛翔任務」就由設計概念到親手製作，探索飛行科學同航空力學原理；最令人期待嘅「小方舟歷險記」，小朋友要親自打造一隻小船，放落水進行大冒險，從中學習浮力同造船結構，好玩又有教育意義！
另外仲有「智激拔河爭霸戰」，利用模型組件製作機械車，進行刺激嘅角力比賽，考驗創意同邏輯思考。而「浮水畫坊」就提供一個恬靜嘅創作時光，等小朋友喺藝術中沉澱心靈，平衡返平日嘅功課壓力。每日嘅運動競技同繩網挑戰，更加訓練佢哋嘅堅毅精神同團隊合作能力！
活動詳情一覽
「多元智Fun探索營」（4-7歲）
日期：7月13至17日、7月20至24日、7月27至31日、8月10至14日、8月17至21日、8月24至28日（共六檔，每檔五日）
時間：上午9:30至下午3:30
正價：HK$3,400（包午餐、證書及免費專車來往青衣、荃灣、九龍塘港鐵站）
早鳥9折價：HK$3,060（6月21日或之前報名）
「多元智Fun探索營」10大學習體驗： - 「非」你莫屬、科學奇技、環保工藝師、人體研究所、小小廚神班、石頭記、橋中有理、藝術大師、夏日運動會、繩網大挑戰
「全方位STEAM挑戰營」（8-12歲）
日期：8月3日至7日（五日）
時間：上午9:30至下午3:30
正價：HK$3,250
早鳥9折價：HK$2,925（6月21日或之前報名）
「全方位 STEAM 挑戰營」10大學習體驗： - 空氣炮製作坊、智激拔河爭霸戰、紙鳶飛翔任務、小方舟歷險記、小小羅馬兵、浮水畫坊、烘培大師、破冰行動、夏日運動會、繩網大挑戰
截止報名： 2026年7月5日晚上11:59
查詢電話：3411 8600
官網詳情： www.noahsark.com.hk/tra/academy-camps.jsp
