大阪行:神戶麵包超人館

好喇，繼續講下去大阪岩小朋友玩既地方。皆因今次16日之旅，8成都係玩小朋友既野，自己都放低左，失去購物慾(有時D野明知無可能，仲有期望既話會好痛苦haha)反而老公響G.U.(uniqlo副線)買左好多衫，我戥佢好開心^^

大阪有個大好處，就係四圍去都好方便。京都，奈良，神戶，和歌山，白濱，四通百達唔算好遠。呢日我地同呔細去左神戶麵包超人館，一出站已經有anpanman等緊，指你去路，haha~

穿過地下通道，行過去10分鐘左右，沿路一直有石像。

2大人2小朋友盛惠6000yen。

呢個館非常好玩呀！雖然佢地唔係anpanman fans，但入面多野睇，每樣玩意都好靚好有心思，又有得睇show，所以佢地玩得好開心，到6點人地關門先捨得走~

之後我地落樓下食野，食物好吸引呀！佢地勁鐘意，好快食晒！

不過你地去既話，唔好玩到6點，5點半好走喇，因為樓下好多野行架！我地食完野7點，D店都就快關門。同埋記得樓下行出去有間麵包店，D麵包好靚架全部係ANPANMAN D角色，勁鐘意呀！！

臨走前我地玩埋摩天輪，海灣夜景超迷人。不過同d仔坐就...haha OK啦！別有一番風味既^^

之後趁有D時間行埋過隔離商場，超大，入面有反斗城添呀，勁好行，好多野比細路玩。如果你地可以，早D去行轉先，食個LUNCH再去anpanman，咁就fit晒喇！