熱騰騰煲仔飯

天氣好凍呀！早上起來仍是天黑黑的，真的不想動。想起從前放工後，相約三五知己逛街時，總會到銅鑼灣一條滿佈食市的街道填肚子。冬天時，多間門外均會擺放煮食爐或炭爐，爐上放著香噴噴的煲仔飯，風味十足，實在令人回味。

今晚便做了煲仔飯，雖然是自家式，沒有炭爐的獨特風味。不過食了熱騰騰的煲仔飯後，即時身體暖笠笠，唔怕凍啦。

材料：

米 1杯 (飯煲附設的量杯)
雞腿肉 1件 (去皮切件)
臘腸 1條 (洗淨切片)
水 1杯半

醃料：

豉油 1/2湯匙
糖 1/2茶匙
粟粉 少許
薑汁 少許

做法：

1. 雞腿肉洗淨去皮切件，下醃料拌勻備用。
2. 米洗淨，加入1杯半水，加蓋放在爐上用中大火煮約5分鐘，揭蓋，平均舖上雞件及臘腸，加蓋繼續煮約4分鐘，之後轉慢火煮約5分鐘，熄火焗5-10分鐘。

小貼士：

- 由於肉類會滲出水份，所以，煮飯時的水量要相對作出調整。
- 米：水比例為1：1.5，不同米量煮的食間亦要作出調整，如2杯米應加3杯水，先煲約6分鐘，加入材料煲約5分鐘，轉慢火煲約6分鐘，熄火焗5-10分鐘。
- 以煲仔飯豉油拌飯更有風味，或以豉油、糖、老抽調製甜豉油亦可。
- 想更惹味，可用牛肉榨菜代替，亦可因應個人喜好配搭材料如：冬菇滑雞、梅菜肉片等等。