鄧梓峰熱烈歡送星際歷險 巴斯光年會去邊？

迪士尼近來好多新搞作，今日就開始推出一連串巴斯光年主題活動，因為佢做主角嘅「巴斯光年星際歷險」主題遊戲，將會於 8 月 31 日，即係暑假最後一日功成身退；取而代之會係 Marvel 超級英雄嘅全新主題遊戲。為咗隆重其事，迪士尼仲搵來被指與巴斯光年「撞樣」嘅藝人鄧梓峰，一齊回憶呢個經典樂園遊戲。

既然「巴斯光年星際歷險」光榮引退，咁巴斯光年會去邊？官方就話佢由9月開始，會匯合「反斗奇兵大本營」一眾老朋友，繼續同賓客見面。係咪企喺佢好朋友胡迪隔離呢，定會用其他方式出現呢？公關就同小編講未有公佈，咁要到時先有分曉喇。