advertisement

宅在家修煉廚藝必睇 5 大YouTube 教煮頻道

自新型肺炎爆發後,大部份時間都留在家中食飯。即使出盡渾身解數煮出拿手小菜,食來食去都有覺悶的一日。以下介紹 5 個本地 YouTube 教煮頻道,全部都勁貼地,有趣又易學,超難超易短片一應俱全。既然一定要在家吃,不如把握這客觀環境大好機會,乘機鍛練身手,廚藝一定好快 Level Up!

 

MAMAinthekitchen 親子食譜、泰式、印尼、上海、西餐甚麼都有

YouTube 頻道 MAMAinthekitchen 由靚媽咪 Sharon 主理,介紹各種好味食譜和製作過程,除了小朋友喜歡的親子食譜,亦有老公最愛的宵夜系列,即使不「照辦煮碗」定必定能為你帶來許多好煮意,作為媽咪或人妻都要向她取經啦!

張媽媽廚房:教煮家常便飯附有英文字幕

一 家人食飯,不少人選擇傳統中菜,張媽媽廚房教大家煮出魚香茄子、電飯煲焗雞、蕃茄豆腐湯等各式家常小菜,相當實用。而點心就有電鍋蛋糕、白糖糕,以及以下短片示範的簡單版香蔥煙肉包等,全部都附有英文字幕,方便大家和家傭姐姐一起進修廚藝。

 

72 萬 fans 訂閱:有趣好味點 Cook Guide

喜歡看 YouTube 煮食教學的朋友一定對這個煮食頻道毫不陌生,主持人馬田搞笑的示範和講解深得一眾網民喜愛。點 Cook Guide 一個星期逢星期一、三、五起碼有三段影片分享,星期日更會偶然發放彩蛋影片為大家帶來驚喜,喜歡煮食的朋友可以密切留意他們的食譜與教學!

素食達人 Elvis Chan 陳浩然 #提升抵抗力防疫套餐 系列

疫症期間大大減少外出,更少買到新鮮食材,「點煮點食」對於不吃肉的「素人」來說更加是難題。如果你亦是吃素之人,或者想偶爾吃得健康一點清清腸胃,就不妨留意素食達人 Elvis Chan 陳浩然的素食教煮頻道,最近他更因應現時疫情關係推出「提升抵抗力防疫套餐」系列影片,用超市都買到的簡單食材煮出好味素食,讓大家邊睇邊學,煮得輕鬆,食得更健康。

 

唔熟唔食 Cook King Room #抗疫福食 系列

近來大家出街時間少,每次外出都會一次過買一大堆食材來使用,有些人更足不出戶,網購食材回家慢慢煮。唔熟唔食 Cook King Room 就設計了 #抗疫福食 系列教學短片,教大家如何利用容易買到的簡單食材,煮出好味家常菜。