恐龍水上樂園｜恐龍水上樂園登陸！位於大尾篤嘅人氣BBQ場「繁星燒烤」，今年夏天破天荒將成個戶外空間升級打造成佔地足足4萬呎的「大尾篤恐龍水上樂園 Jurassic Water Park」 ，由6月13日起至9月13日限定開放，一個價錢玩齊五大水上主題區，仲要無限時任食30幾款消暑輕食甜品，真正做到「小朋友盡情玩，爸媽輕鬆嘆」嘅親子天堂！
侏羅紀水世界登場！五大恐龍主題區＋迷宮障礙考驗小探險家
一走入樂園，就像穿越咗去侏羅紀時代一樣！現場有色彩繽紛的充氣水池、滑梯和互動遊戲區，全部以恐龍世界做藍本設計。五大水上主題區包括 「穿越恐龍世界」、 「恐龍的奇幻樂園」同 「海盜船及鯨魚之旅」，小朋友可以喺暴龍同三角龍身邊滑水嬉戲，情景十足電影場面。
鍾意刺激嘅小冒險家絕對唔可以錯過 「迷宮障礙區」 ，喺錯綜複雜嘅充氣關卡中攀爬追逐、穿越重重障礙，考驗體力之餘仲要運用小腦袋搵出路，玩幾次都唔會厭！
而樂園另一大亮點就係不定期爆發嘅 「泡泡大戰」 ，漫天綿密白雪泡泡突然噴出，配合動感水花，成個現場瞬間變成夢幻又瘋狂嘅夏日派對，小朋友見到肯定興奮到大叫！
當然，樂園亦貼心照顧唔同年齡層嘅需要，設有船池、爬爬池等刺激性較低嘅充氣設施，確保所有到場嘅小朋友都可以安全又開懷咁玩餐飽。
一個價錢玩盡食盡30+款甜品輕食任食 親子同樂無難度
「大尾篤恐龍水上樂園」最聰明嘅地方，就係將玩水同美食完美結合！當小朋友玩到電量開始偏低，家長唔使再狼狽周章搵嘢食，因為樂園每日下午5時前設有 自助輕食甜品區，無限量供應超過30款美食，即整即享，隨時幫成家人「補給」！
重點推介必玩 「消暑刨冰DIY」 ——仙草、椰果、黑糖水晶加上多款糖漿任你配搭，自己整一杯透心涼嘅專屬刨冰，消晒暑！
仲有經典 「港式冷撈」專區，超過10款配料任意落，家長可以同小朋友一齊創作自家風味撈麵，齊齊尋回港式地道滋味。至於甜品控就更加唔使擔心，甜甜圈、酥香蛋撻、朱古力布朗尼同草莓奶凍等精緻糕點，大人細路都愛不釋手。
玩到夜晚，樂園更設有 「港式燒烤放題」 ，一家大細圍爐齊齊燒，喺星空下享受燒烤樂趣，真正實現「日頭玩水、夜晚燒烤」完美暑假行程！
貼心免費設施＋早鳥優惠 家長們快啲預約！
繁星燒烤同場設有免費淋浴間、置物櫃同泊車位（數量有限，先到先得），照顧晒一家大細嘅實際需要。收費方面，6月開季優惠小童由$117起、成人由$168起，身高不超過90cm嘅幼童更可免費入場！
提提大家，水上樂園設施只開放到晚上9時（星期六日及假期至9時半），而輕食甜品放題只供應至下午5時，燒烤則為晚間另行收費項目。所有參與人士必須遵守設施使用須知，包括12歲以下兒童需由成人陪同、充氣滑梯限身高100cm至139cm小童使用等安排。
大尾篤恐龍水上樂園 Jurassic Water Park
日期：2026年6月13日至9月13日（逢星期一休息）
地址：繁星燒烤(大埔) 大尾篤汀角路202號
交通：大埔墟港鐵站轉乘75K巴士或20C小巴，於汀角村站下車
網上預約：按此
WhatsApp查詢：9509 4385
