advertisement

一年一度「開季試閘樂滿 FUN」又嚟喇!今年大會更將活動版圖由沙田馬場擴大至彭福公園,地方更大定必更好玩喇。

 

今年除咗大受歡迎嘅騎師競跑、馬匹草地試閘、小馬策騎及與雪特蘭小馬拍照等精彩活動之外,仲有弦樂音樂會、獨輪車表演、多個玩具攤位、 20 款創意  DIY 工作坊,以及動感遊戲等等活動,畀小朋友盡情放電!

 

由於年齡限制小朋友冇乜機會入馬場見真馬,活動當日會場內會有馬匹草地試閘活動,畀小朋友見到真馬馳騁馬場。

 

平時騎開馬仔嘅騎師到底跑唔跑得?嘉年華當日嘅騎師競跑活動自有分曉。

 

場內有雪特蘭小馬拍照,可以超近距離接觸馬仔。

 

會場放置了多個吹氣裝置畀小朋友盡情放電!

 

 

 

玩具迷仲可以在場內玩到射槍、車仔、泥膠。

 

 

 

特別一提,小馬策騎活動非常受歡迎,所以要提前於 8 月 20 日前,上 www.hkjc.com/pony 以入場券號碼進行抽籤,抽中先有得玩!

 

小朋友同啲唞暑嘅馬仔一樣,放完暑假就要準備開學喇,所以更加要趁暑假最後機會,開心玩餐飽!

 

門票發售詳情:
日期:8 月 15 日(星期二)\
售賣地點:40 間指定場外投注處發售
售價:每位票價HK$60(3歲或以下小童免費入場),每張套票包括入場券1張、美食現金券1張、遊戲券4張及精品購物券1張,售完即止。

 

 

活動詳情:
日期: 8 月 26 日(星期六)
時間:早上 11 時至晚上 7 時半
地點:沙田馬場及彭福公園

網址:www.hkjc.com