聽日開幕!率先試玩 SuperPark(詳細報告)

位於奧運站一號銀海嘅星期六開幕,shemom尋日就同靚媽 Joanne一對仔女一齊去率先試玩。小編起初都以為好多設施未必咁啱細路玩,但這個標榜適合不同年齡人士齊齊玩嘅樂園,真係做到老少咸宜嘅效果!

 

靚媽 Joanne 帶住 10 歲 Anson 哥哥與 5 歲 Chalotte 妹妹齊齊勇闖

 

兒童冒險地帶有波波池、吊床及鬱爬裝置等,小朋友見到已玩到得意忘形。女仔就好似 Chalotte 咁,要小心玩到頭飾都跌咗落波波池,好難搵得番架!

 

賽車道有分大車與細車,三歲以上可以玩細車,好似哥哥咁 10 歲已可以揸大車喇!

吊索離地只有一呎,十分安全,四五歲小朋友都排住隊玩。

 

場內設有好幾個投籃遊戲,籃球健將可以玩餐飽!

 

這個投球遊戲限時一分鐘,兩邊鬥投球去對方籃板,得分較多者勝出,似乎就啱大人玩多啲喇。

 

兩個哥爾夫球室小朋友都啱玩!

 

場內有多個滑梯裝置,左邊是車軚滑道,右邊係成日滑梯,後面仲有一條兒童滑梯。

 

另外呢個小山丘亦可以畀小朋友瀡滑梯,Chalottle 就揀咗呢個位扮媽咪打坐冥想!

 

呢條滑道都好刺激,小朋友都玩得!

 

多個投球遊戲畀小朋友發洩精力,電力十足嘅 Charlotte 化身小彈球玩餐飽!

 

另一款小朋友投球遊戲。

兩部踏步機,好似做 gym 咁又唔會悶,大人細路老人家都啱玩,不過就得兩部。

 

彈床有分大人同小朋友區,大人細路都可以跳特跳!

 

現場試玩大約兩小時,好多小朋友都玩到唔願走,相信係因為好多遊戲都非常「襟玩」;不過據小編估計,當時人數應該約 100 人左右,好多遊戲都不用排隊,如果入場人數多時,排隊玩遊戲就要畀啲耐性喇。

 

靚媽Joanne玩後感:

「平時過時過節家傭放假,都會帶小朋友去室內樂園放下電,等自己同老公有機會睇下書、歎下咖啡、唞下氣;呢度咁多嘢玩小朋友又咁鐘意,第時放假去玩又多個選擇喇!」

 

小編溫提:

由於遊樂設施非常密集,對小朋友來說吸引力十分大,建議屋企一定要「一對一」人釘人,不然小孩子會好易走失!小編亦都建議大家與小孩預先溝通,如果失散應該在哪裡集合,自然就玩得更放心啦!

 

源自芬蘭,是創於 2012 年嘅室內主題公園,由於當地長期都非常寒冷,所以創辦人想到開設室內主題公園,讓一家大細不用日曬雨淋,有地方盡情放電。現時芬蘭已經有 11 個 樂園,香港這個 是亞洲首個試點。

 

資料

地址:大角咀海輝道 18 號壹號銀海地下(近奧海城)

開幕日期:12 月 16 日(星期六)

開放時間:10AM至9PM;假日及學校假期:9AM 至 9PM

入場費:平日(HK$180),周末、假日、開業初期及學童假期(HK$240),大小同價,三歲以下免費入場。入場人數有限制,建議網上預約

網站:.com.hk