小學生最憎父母說的10句說話 專家指勿做1件事傷感情！建議家長活用「強化理論」更有成效！

新學年開始差不多1個月，學童才剛適應新環境，將面對功課和學業壓力，部分家長也會給一定的壓力。日前（24日），和富社區服務網絡公布以問卷訪問過千名小學生，發現小學生最反感父母的「命令式」說話，例如：「我數三聲！三，二，一！」及「到底要我講幾多次」。有專家建議多嘗試換位思考，耐心並清晰地教導正確的做法，不需要用命令式的方法，都能令溝通能夠更正確及有效的方向進行。

和富社區服務網絡今年主辦「家心聯繫」計劃，希望喚起港人對親子溝通及相處的反思。於4月至6月期間，進行了「小學生十大最鍾意及最唔鍾意聽到父母的說話」問卷調查，對象是小四至小六的學生，在多間小學合共收集了1,226份有效問卷。

父母切忌「命令式」說話 

綜合調查結果，反映現今世代的小朋友最反感出自父母所講的說話，並非源於不滿學業成績，反而更多是日常相處上父母不為意的「命令式」說話，「最唔鍾意聽到父母的說話」頭5位分別是「我數三聲！三，二，一！」（71.4%）、「到底要我講幾多次！」（70.7%）、「駁嘴你就最叻！」（69.5%）、「做錯事仲賴人！」（67.4%）和「我以後唔會再理你，你鍾意點就點！」（67.4%）。這些說話都會令小孩容易出現焦慮情緒或表現退縮，對家長更可能又敬又畏，親子關係容易緊張。家長們曾跟孩子說過以下10句話呢？

小學生最唔鍾意聽到父母的10句說話：

1.「我數三聲！三，二，一！」

2.「到底要我講幾多次？」

3.「駁嘴你就最叻！」

4.「做錯事仲賴人！」

5.「我以後唔會再理你，你鍾意點就點！」

6.「叫咗你勤力啲㗎啦！」

7.「我無眼睇你！」

8.「未做晒功課無得玩！」

9.「對唔住有咩用！」

10.「好嘢唔見你學，衰嘢你就學到十足十！」

至於，最鍾意聽的有「加油！」、「盡咗力就得喇！」、「好叻仔/女！」、「今日返學有冇咩趣事？」和「唔錯喎！比心機！」。另外，團隊亦向小學生提問，他們想聽到但從未聽過父母說的話，超過一半選了「考得咁好，等爸爸媽媽帶你去迪士尼玩！」，其次是「第時大個咗，遇到咩困難都可以返屋企！」，以及「爸爸媽媽尊重你嘅諗法！」

專家教路：用「心理學套路」 3招令小朋友乖乖聽話

資深認證婚姻及家庭治療師及臨床督導謝韻姿表示，理解小朋友不聽話難免令家長「激氣」，慣常以「數三聲」來直接下達指令，但她建議以「恩威並重」與「強化理論」（Reinforcement Theory）兼備，這才是令子女貼貼服服風的真道理！

當小朋友不聽從，家長容易會變身成「指揮官」。但專家謝韻姿指出，一味下指令只會令親子關係變僵。真正的高手媽媽要學識以下3招：

第1招：感受行先

先體會仔女的情緒，了解他們為何要「作對」。

第2招：設立底線

給孩子自由度的同時，要有清晰規範與合理期望。

第3招：耐心解釋

告訴他們「點解要咁做？」，而不是「我叫你做就做！」

網絡爆紅「強化理論」

想小朋友乖乖做功課？專家謝韻姿建議活用心理學入面的「強化理論」。同樣一件事，講法不同，小朋友的接收程度差好遠！

1. 否定式強化（Negative Reinforcement）

避免說：「未做晒功課無得玩！」，聽下來像威脅，這樣會令小朋友反感。

建議說：「你快啲做好功課，我就唔會阻住你玩㗎啦！」

成功原因：透過「剔除負面的東西」（即是媽媽的碎碎念／阻礙），從而推動他們完成任務。

2. 積極式強化（Positive Reinforcement）

當小朋友表現好，除了派糖，更重要是心理獎勵！

建議說：「好叻仔／女喎！」或者「考得咁好，想要咩獎勵？」

成功原因：透過讚賞令他們有成功感，學識「若有所得，必先付出」，為未來競爭力打好底子。