advertisement

大仔 11 月頭生日,剛剛 9 歲,朋友網友都好錫佢,因為有大部份係睇住佢出世,亦有好多網友睇咗我個 blog 10 年。有時大家會好期待,我哋嘅節目會有咩特別,小朋友生日又會畀啲咩驚喜佢哋等等。

 

而大仔生日我出咗一個 po,又估唔到大家咁感動,之後收到朋友網友們私訊,話好鐘意我教仔嘅方式。雖然湊仔 9 年,但佢哋成長不斷轉變,每次發生嘅事同要面對嘅問題都唔同,我永遠都係一個新手媽媽,只係我盡量隨心而行,直覺覺得應該咁教,就跟隨自己認為舒服嘅感覺吧!

 

仔仔獲賞賜 magic words 樂翻天
至於大仔生日令大家感動嘅 po,其實係講番當日我並冇安排甚麼特別慶祝活動,唔好話大費周章大灑金錢去搞生日會,就連生日晚飯都係平常住家菜,亦冇買禮物畀佢。之前有問過佢想唔想搞生日會,佢意願係儲起搞生日會嘅錢,我哋一家人聖誕搵個地方去玩,我覺得好好呀!

 

 

生日當日,我攬住佢講咗句生日快樂,然後送咗一句 magic words畀佢,就係呢句「我今日生日喎!」當佢有自己想做或唔想做嘅事,佢就可以講呢一句,我哋就會如佢所願,佢就好似可以做一日大王咁,呢句說話令佢非常開心,佢講親都笑到見牙唔見眼!哈哈!

 

真正嘅快樂,係心靈上嘅滿足,並唔需要同金錢扯上關係。我哋從來畀佢嘅,唔係物質,係時間係心機。好多人話大仔會因為一句說話而開心一整日,唔需要物質的快樂,係佢知足常樂,佢單純,我有反思大家嘅說話,其實令到小朋友唔知足唔單純嘅,正正係我哋大人。

 

感恩仔仔懂得享受簡單快樂
大仔會因為可以食飯時睇 Youtube 而勁開心,因為佢唔同平時啲小朋友,自己有自己一部大大的平板電腦,入面大量遊戲,大量卡通片,一邊食飯一邊娛樂。而當父母們將部平板電腦當係救星時,其實呢部嘢係毀滅咗你哋親密的溝通機會。大仔又會因為生日可以食多幾粒糖而勁開心,因為佢知道食得多糖會蛀牙,平時對糖果自有分配的,可能一日畀自己返學一粒、放學一粒,哈哈!而如果你一早已不停供應糖果甜食畀小朋友,佢就唔會有呢種滿足期待了,反而一唔畀食時,佢仲會扭計呢~

 

記得生日當天,佢講咗句說話,佢話:媽咪係咪因為我今日生日,所以你 respect 我?佢意思係,佢講咩我都會say yes! 我話係呀,因為你生日你有特權選擇自己鐘意做嘅事,但當然唔可以太離譜啦!呢個係我送畀你嘅生日禮物。

 

我想畀佢知道,我送畀佢嘅係我認為可以令佢開心嘅禮物,而一份有心思嘅禮物,唔一定係玩具或物質嘢,希望佢明白,物質只係一時間嘅快樂,但往後嘅日子當佢諗起自己做大王嘅呢一日,會從心裡面笑出嚟~ ^^

呔媽早前喺家庭專頁貼出呢幅 2009 年生活照,當時細細喺肚入面仲未出世呢!

 

重溫呔媽其他專欄文章:

呔媽叫仔仔咪「篤灰」 http://bit.ly/2xaOB5Q

Reward System幫小朋友建立自信 http://bit.ly/2vmhtam

開完通宵仲陪小朋友玩 呔媽:老公付出好值得!   http://bit.ly/2etLxhd