advertisement

保護呔細牙齒,我盡量做到就做,希望佢地無咁易蛀牙。因為聽講換牙之前蛀牙既話,佢地咁細個唔可麻醉,未必可以補,等出恆齒時先換牙。哇﹗咁攪法咪好受罪? 咁耐會牙痛架喎﹗加上影響外觀都唔好啦。不過就算可以補,都唔想佢地咁細個就要受罪。話晒呢樣野唔關佢地事嘛,蛀牙與否係我既責任,所以我一直都幾緊張佢地D 牙~

 

響佢地未出牙既時候,晚上食完奶我會用濕紗巾幫佢地捽下牙肉。有隻濕巾係比BB用,4個月大以上可以用,係比大人包住手指捽牙仔/牙肉。不過用既時候要小心,唔可以比小朋友自己用。其實未出牙前就咁用清水濕巾捽下就OK,但我用果隻見佢話有「曬駱駝」﹐感覺良好,我就買左佢黎比小朋友用喇~

 

1

 

出牙喇,就開始幫佢地刷牙。其實濕水刷都OK ,但我有用牙膏,因為想比佢地認識同習慣刷牙係要用牙刷同牙膏,佢地2個係好朋友^^ 買左一種可以吞既牙膏,不含氟(Fluoride)(下圖左)。當然唔可狂食,每次用一粒青豆咁既 size就OK架喇,主要係用黎培養習慣~

 

可以既話小朋友刷一半,我地就幫佢補刷。不過夜晚我嫌佢地手腳慢,多數我都快快手幫佢地用牙線,跟手刷埋,但日頭我就完全比佢地自己刷,因為我覺得日頭佢地亂刷都唔會易蛀牙(我自己覺得咋下XD)

 

講開我覺得用牙線都好重要,因為牙隙好易塞住食物,留響口腔成晚好易蛀牙。特別是細細,每次食完肉類會塞到成棚牙都係,有時刷完牙都仲響度,所以夜晚一定要用牙線清潔。

 

由於一早有比佢地用牙膏同潄口,大約2歲,覺得佢地識吐牙膏泡泡,唔會吞,就開始轉用小童牙膏。用含氟(Fluoride)牙膏先可以真正防止蛀牙。(下圖中/右) 呔仔攪笑喎﹗有期直情用大人勁薄荷既牙膏,因為我話佢有口氣,佢可能驚口臭,要用我地大人果D,我都覺得辣呀﹗佢幾man呀﹗哈~

 

2

而家佢地都習慣自己擠牙膏刷牙喇﹗前2日影左佢地幾張刷牙齒既相,大家有無見到佢地最後動作一致,係會走去條沖涼大毛巾度,直接擦走個咀D泡﹗﹗hahaha~ 呢個係我個人習慣,老公鄙視左我好多年,我唔改不特止,仲教埋比D仔﹗但真係好爽架喎,唔信你地今晚試下! XDD

 

3

 

 

 

4