advertisement

上文講左D 關於刷牙既野,今次就講下美國呢邊既牙科保健,同埋平時盡量注意既壞牙飲食~

 

同朋友傾開,佢話香港一般係一年檢查及洗牙1次。而我地呢邊,就1年2次,大人細路一樣。我自己有時都會懶,1年先去1次。但對小朋友既野我就較著緊,佢地好準時1年議檢查及洗牙2次^^

 

其實醫生建議小朋友滿1歲就應該開始定期檢查及洗牙。由於我怕太細個佢地坐唔定,而我自己覺得呔細牙齒一直清潔得不錯,所以我係上年年中先開始帶呔細洗牙,呔仔當時係3歲幾,細細2歲幾~

 

第1次洗牙2隻野都好緊張,因為唔知咩事嘛。姑娘就幫佢地刮牙石,講我知邊D 位牙石厚,我要注意幫佢地刷多點。之後就用D 好好味既生果泡泡牙膏刷牙,完成後再比醫生檢查,睇下有無蛀呀,牙齒出得齊唔齊等。佢地有雙人房,2隻野一齊洗牙,基本上30分鐘之內就攪掂架喇~ 係第1次緊張D,之後佢地都好enjoy擘大個口,攤響度睇卡通 ^^

呔細第1次洗牙~

 

1

 

之後的2次,已經好放鬆了~

 

2

 

 

 

3

 

除左定期檢查洗牙外,其實日常飲食都要好好注意~

 

以下既內容可能好老土,以及真係由細聽到大,但要講既,仍然係需要講的XD

飲食盡量低糖。每餐大量蔬果,全麥穀物,開水牛奶豆奶。少食糖果、朱古力、汽水、(非鮮搾)果汁等甜食。如要飲果汁,盡飲蘋果、白提子汁,避免橙汁之類酸性果汁,因為酸性易壞牙。

 

果汁甜食後多飲水,刷牙當然最好,不過我都未試過話食完甜野會專登幫佢地刷牙,哈~  零食方面,我2隻野就習慣跟我食咸點,例如蝦餅、紫菜等,我好少比甜野佢地食~ 有人問點樣唔比佢地食,其實唔買就無得食。大人既話自己收埋偷偷食啦 ^^

 

另一樣野唔多關我事,就係戒奶樽。一般1歲後應該用杯,唔需要用奶樽了。日頭仲OK ,臨瞓果餐真係唔好啜住奶樽瞓呀﹗D奶咁甜一直浸住D牙,除左易蛀牙,口腔都易有細菌。 可以既話戒左佢~ 果時佢地細個就埋身食人奶,之後1歲直接轉用飲管杯飲豆奶,難度不高,其實所有野都係習慣黎~

 

為左小朋友牙齒好,大家加油﹗﹗