生一個小朋友要使幾多錢？各人做法都唔一樣，不過亦有數據可以參考。而呢方面，香港最近又揚威國際喇。
早前英國匯豐控股針對全球 15 個國家地區進行教育支出調查，發現香港人花最多錢喺仔女身上，每名子女由小學到大學畢業，平均花費超過 103 萬港元，遠遠拋離第二位之後幾個城市。
英國匯豐控股 15 國教育支出調查結果：
第一位：香港
第二位：阿聯酋
第三位：新加坡
第四位：美國
第五位：台灣
雖然調查只係針對 15 個國家，都幾能夠反映到香港人對小朋友嘅重視同期望。調查又發現，教育開支之所以高，係因為家長將子女送入私立學校，所需學費比公立學校高出超過兩倍。
