advertisement

「胡說八道會」六個姊妹胡杏兒、胡定欣、胡蓓蔚、姚子羚、李施嬅及黃智雯,齊齊去澳洲拍攝無線旅行特輯《胡說八道去旅行》。當中胡杏兒雖然已約滿無線,兼夾陀住 6 個月 B,但係為咗齊人都樂意奉陪飛去澳洲拍攝「大製作」,認真夠老友!

 

不經不覺胡杏兒已經懷孕 6 個月,距離 BB 同大家見面日子不遠了。

 

 

上個月已經好明顯見晒肚!

 

 

前幾日,胡說八道會幾個姊妹齊齊去澳洲,胡杏兒已經陀 B 六個月喇。

 

 

 

好多傳聞話搭飛機有輻射,而氣壓轉變會影響到 BB,到底杏兒陀住 BB 搭飛機又係咪安全?我哋為此訪問咗張傑醫生。佢話無論係剛剛懷孕抑或 BB 就快出世,從西醫角度都冇「陀 B 不適合搭飛機」的說法,只要航空公司及目的地許可,孕婦在任何時間搭飛機也不是問題。

 
雖然搭飛機唔會影響 BB 健康,不過張醫生指陀 B 6 個月以上最好不要外遊,最大擔心是嬰兒早產:「如果 BB 要提早出世,全世界各地醫生,遇上 24 週(約六個月)以上 BB,都會盡力讓他出生;不過早產 BB 一定要留院觀察,到時很可能長時間不能回港。」

 

張醫生更指出,世界上幾乎只有香港是先治療後付費,若果懷孕期間身在異地遇上身體不適,先不計當地醫療水平是否可靠,單是張羅醫療費用也是一個難題。因此他認為如果沒有特別情況,並不建議懷孕 6 個月以上的孕婦外遊。

 

 

圖片來源:胡杏兒微博