做父母嘅真係唔可以偏心!自己唔覺,就問下啲熟朋友

,原來唔係人人會認,又或者別人好覺眼,自己唔覺得。2 個或以上小朋友嘅家庭,父母普遍對小朋友唔多唔少都會有,而且多數個細的。

 

呔媽講偏心

可能細嘅需要被照顧多啲,又可能細嘅未懂性,冇咁多激心嘢,而更更可能嘅係,一般細嘅都蠱惑啲醒目啲,識睇眉頭眼額,父母未發作已識閃人,只有大嘅仲矇下矇下自投羅網,所以經常做炮灰。

 

影響孩子之間感情

雖然係咁,但做父母嘅真係唔可以!!自己唔覺,就問下啲熟朋友,佢哋睇到的,問下佢哋自己有冇,如果有,要改變,因為唔止影響自己同仔女關係,更會直接影響佢哋兄弟姊妹情!

 

我好彩,兩個仔年紀接近,唔存在大一定要讓細,或者細一定要聽大說話,兩個可以相處得公平啲。當年細佬出世,阿哥 15 個月大,仲未太懂得呷醋。

 

如何避免大仔呷醋?

而為咗避免呷醋情況出現,我湊細佬嘅方法係,趁細佬仲細可以唔多理佢,好多時我會派阿哥去睇細佬,叫佢睇下細佬咩事,暗下佢拍下佢。

 

此舉除咗要令阿哥覺得我唔緊張細佬,唔會對佢地位有威脅之外,亦同時增進緊佢兩個嘅感情。

 

當然,細佬嗌呀喊呀,我有暗地偷望的,或者行得好慢咁去睇佢抱佢,唔會一臉緊張,哈哈!

 

左擁右抱的日子

雖然我一如往常陪住阿哥玩,但同時餵細佬埋身食奶都餵到 1 歲,晚上就左擁大仔右抱細仔大覺瞓,故此我同細佬仍有好親密的親子時間。

 

大大下就兩個一齊成長一齊玩,都冇點存在過呷醋呢樣嘢。

 

大細仔各有可愛可惡之處

到而家 8 歲 9 歲了,兩個仔性格大不同,都有可愛及可惡之處。見到好朋友,佢問我,其實我有冇? 我自己就覺得冇,但可能都係要旁人先察覺到。

 

因佢兩個性格好唔同,對我貼心嘅嘢唔同,激心嘅嘢都唔同,除非其中一方持續激氣,但我諗我最多係失望唔開心,又未必嚴重到會影響我愛佢哋嘅程度。

 

兄弟情如手足

朋友點解咁問呢?因為佢見到我兩個仔都好錫對方,放學一見到面雞啄唔斷,見唔到會掛念嘅,就係愛嘅表現。所以好奇我係咪冇,令佢哋能夠相處融洽。

 

其實我諗都好大關係,因為父母其一,另一個會對對方產生仇恨,妒忌的,好正常嘅事。

 

」對孩子心理影響深遠

你對佢唔公平,佢只能自保,愛自己多啲,而被寵果個如果唔識做,仲恃寵生嬌嘅話,兄弟姊妹感情更易決裂。

 

所以話,手足間感情如何,主決於父母對小朋友抱不同公平態度,想一家人關係好,就靠父母用心維繫了。

advertisement