無啦啦畀人偷咗螢光筆,對方冇被罰之餘,仲可以一齊用?

有網友發現,我好少寫關於細仔的事。細仔8歲幾,2年級,只係細哥哥15 個月。細仔性格可以話係同阿哥完全相反!超醒目,做事快手快腳,由歲幾開始發現佢識古惑,而且臭脾氣。同戇居居,天真瀾漫嘅阿哥完全唔同,呢啲係天生性格。

 

呔媽Kelly 細仔被偷螢光筆 老師要佢開心 share?

之前提過佢 2 歲時去 Playhouse 畀個大嚿過佢好多嘅墨西哥仔迫埋牆,佢係會推低對方坐響佢上面打佢。佢唔會主動撩事鬥非的,但佢識反抗保護自己。又因為呢件事,我同老公都驚驚哋,唔想佢第時好勇鬥狠,好易出事,我哋開始發力感化佢,重點教番純呢隻癲仔。

 

經多年來教育,亦有阿哥呢個好榜樣做辨,真係由一個癲喪,變成依家一個好淡定好守規矩嘅孩子,我反而覺得佢太怕事添!可以多點為自己發聲。加上佢本身性格 easy going,咩都冇所謂嘅,都幾大量,畀人恰唔會點出聲,又唔會行差踏錯,所以就比較少寫佢。

 

畀同學偷兩支

如果要講,呢件事可以討論下。有日放學,同我講,話有個同學仔之前坐佢隔離,偷咗 2 支,一支黃色一支藍色,而家 2 支筆響同學仔筆盒。我問,你問佢拎返佢唔畀? 佢點講?話,對方話係佢自己嘅!哇,咁都得??想我幫佢拎番,但佢又驚話畀老師聽。咁我就寫咗張 note,叫帶返學交畀老師,話畀佢知有呢件事,希望老師可以了解事件,同埋幫拎番 2 支

 

有時呢啲唔係太嚴重嘅事,我又唔想好似要幫佢出頭咁,同時,我希望自己去爭取番自己嘅物品,起碼去講,同埋參與解決。 結果,老師 e-mail 番嚟,話問咗同該同學,佢哋兩個都堅持 2 支係自己嘅!所以老師就決定將 2 支擺響老師枱面,佢哋可以自己拎嚟用,同該同學都同意,就解決咗呢件事了。你哋聽完,覺得點?有咩意見呢?

 

 

在我嚟講,呢個解決方法,我覺得可以接受嘅,但我必須同傾番兩樣嘢。第一,我問佢,老師咁樣決定佢覺得點?同唔同意?佢話 OK,冇委屈冇唔開心,呢個我覺得最重要!因為你明知果 2 支筆係你嘅,依家無啦啦畀人偷咗,佢冇被罰之餘,仲可以一齊用?咪講笑啦,我唔會囉!不過我又好欣賞咁豁達嘅心態,我覺得冇必要教佢計較,做人太執着係好辛苦。難得佢咁都肯同對方share,畀人恰都冇敵意,唔係人人做到,我有讚佢,我覺得做男人氣量好重要,應該保持。

 

豁達都要有原則

第二,我同講,每個人都會做錯事,都有改過嘅機會。對錯我哋知,佢自己都知。佢做錯事,可能好驚被罰唔肯承認,咁我哋今次就畀機會佢,希望佢會知錯唔好再犯,但如果佢再恰你或者偷你嘢,你一定要出聲,亦唔可以再同意 share 用呢個解決方法。你唔出聲係害咗佢,佢變咗慣犯!

 

我亦唔會再畀佢咁易過骨,我想知道對方家長係點樣教小朋友。見個樣有啲擔心,我就同講,我諗佢應該唔敢再犯,因為佢知你會話畀媽咪聽,同埋知道老師會插手,雖然佢以為死口唔認就冇事,但佢太天真喇,只係我哋放過佢,畀機會佢改過。如果佢再犯,即係佢唔知錯,亦冇人教佢,咁佢應該要受教一下,懲罰唔係壞事。

 

呔媽Kelly 細仔被偷螢光筆 老師要佢開心 share?

到底藍色同黃色有冇機會返屋企?

 

事後,我有回覆老師 e-mail,既然同意呢個解決方法,我冇意見。但請老師幫個忙,學期尾 keep 起 2 支畀番我。因為果 2 支筆,係我由大學時 keep 到依家,響我文具格拎咗返學校用,我唔想因為咁而冇咗。

 

雖然唔知老師會唔會真係幫我 keep,或者之後大家用嚟用去都會唔見咗,但個 e-mail 我想表明立場,我可以讓步唔追究,尊重老師嘅決定,同意呢個唔多 fair 嘅解決方法,但都想畀老師知道件事嘅真相,我個仔冇講大話。

advertisement