呔媽專欄|中女多自在

近年個人愈來愈,咁36歲都真係嘅年紀啦,唔知係咪生咗兩件,又埋身餵咗兩年人奶,咩都畀晒兩個仔,我就好似得番個殼咁,個人好虛。

 

呔媽專欄|中女多自在

未生之前,響美國呢邊,冬天都成日著短袖,出門就加件褸,依家keep住寒冷,著少件打個乞嚏即刻流鼻涕嘅!出街識自己斟暖水啦,帶定條頸巾,hand cream呀潤唇膏果啲,完全係三寶fans,哈哈!

 

我好好彩,我哋個whatsappgroup成員為數唔少,成班女人講東講西,由shopping扮靚買精華敷面膜,到湊仔經,到女士們生理轉變問題,大家都好踴躍幫手排解,確實係令我嘅階段過得好開心,又好安心。人大了,需要嘅朋友唔再只係同你花天酒地,夜夜笙歌,而係陪住你開開心心咁面對唔同階段嘅人。

 

好感激我身邊一班朋友,大家互相支持鼓勵,每次見到晴天彩虹emoji,我就覺得個世界好美麗,好有力量!

 

除咗group圍埋一齊嘅動力,響 facebook 亦見到愈來愈多人做運動。話晒大家朋友都三張幾,個個都希望 keep up 自己,青春啲望落後生啲,健康啲身體機能好啲。就算個樣唔算老,但真係唔同細個㗎,依家新陳代謝好慢,以前是但食少兩餐已經自動瘦,依家餓死都仲係成身肉,哈哈!只有不停運動,先可以促進新陳代謝,延緩衰老,我哋女人更加要啦!

 

朋友們個個星期行山,跑步,做 yoga,做健身,大家都好努力呀,形成咗一個運動風氣。加上好多朋友都有小朋友,可以帶埋小朋友做運動就更好了。最鍾意就係見到朋友運動後嘅成果,之前係兩個小朋友嘅肥師奶,依家修晒身,變返少女咁,仲操到有腹肌,我好羡慕呀,我鍾意肌肉呀!

 

 

 

結果佢就做咗我軍師,教我點樣食嘢點樣操肌,係佢令我好有恆心去跑步,唔得閒跑就睇 YouTube 做消脂運動,冇藉口懶惰,辛苦完又唔會亂食嘢浪費咗,係一舉兩得的。同埋原來 keep 一個恆常運動,成個人心態會唔同咗,充實又有動力,可能精神唔易累,連帶心境都後生埋。

 

只要搵到令自己快樂嘅根源,其實都可以做得舒服自在。啲小朋友開始長大,我哋開始多番少少自己時間,可以諗下自己鍾意啲咩,可以搵下有共同嗜好嘅朋友仔,建立番自己空間。媽媽們有自己嘅興趣或事業,其實對成個家庭嘅運作係件好事,太 focus 落一樣野,有時會失平衡。

 

而當你搵到做媽媽以外嘅存在感,自我價值被肯定,真係會覺得好滿足,同屋企人又多點話題,生命變得更精彩更有趣。

 

 

advertisement