呔媽專欄|慶幸有條件畀小朋友hea放暑假

細個最愛,有成一個半月唔使早起,拿拿聲做晒啲暑期作業的話,仲可以無憂無慮咁狂hea狂玩。記得小學就互相去同學屋企玩啦,去泳池游水啦,中學更精彩,日日群住幾個好朋友,行街睇戲打牌去沙灘。

 

 

響我心目中,從來係放肆的,齋玩唔學嘢,因此依家自己做媽媽,我冇諗過暑假要安排課程比兩個仔讀,只會安排玩啲咩。見朋友堆中的媽媽,開始幫小朋友報名呢樣果樣,課堂填滿 8 星期暑假,我先發現其實自己兩個仔都真係幾幸福,暑假完全係玩玩玩!

 

呔媽專欄|慶幸有條件畀小朋友hea放暑假

當然,可以 hea 住嘅,都係幸運的一群。因為首先要有大人響屋企照顧,小朋友先可以唔需要被安排課程,否則星期一至五都係要朝 8 晚 6,就大人返工放工時間。有朋友同我講,千祈唔好話畀佢個女聽我哋放假去玩,佢唔知有呢回事,冇人睇佢,佢返兩個Summer Camp。咁其實換個角度嚟睇,得一個小朋友的話,有學返好過日日響屋企無聊喎,起碼有其他小朋友一齊玩,都開心呀!

 

呔媽專欄|慶幸有條件畀小朋友hea放暑假

我哋美國呢邊,Summer 嘅課程叫做 Summer Camp,意思唔係去路營,係一個夏季課程咁解。而 Summer Camp 其實都好多好有趣的,可以參加唔同機構主辦的,例如有泳會搞游水 camp,地區隊打籃球 camp,又有 Science Camp 研究科學,有Zoo Camp 去動物園做工等。小朋友上午做英文數學學科練習,下午就可做運動或戶外學習。每個 Camp 大約 4 星期,收費因課程而異,不過唔平,比較受歡迎的一星期大約要 300-400 美金,名額唔多,要一早排隊報名的。

 

 

之前都有聽過香港嘅朋友會比小朋友過嚟美國上Summer Camp,以我所知有啲 Camp係比海外小朋友都可以參加的。而唔同嘅大學,都會搞類似呢啲夏季課程,畀高中生可以有機會親身了解,體驗大學生活,去上堂學下唔同 major 嘅嘢,發掘下自己對邊方面有興趣,第時選科更得心應手。

 

 

 

 

 

 

 

 

advertisement