【小心語言暴力】你曾說過嗎?父母最令小朋友心碎的說話

相信每位父母也曾經痛罵過小朋友,輔導心理學家何善韻博士表示,別低估語言暴力。許多父母會受上一代的養育理念以及媒體影響,不自覺說出一些耳熟能詳的說話,有時一句無心之失,已經會為小朋友留下童年陰影。以下會傷害小朋友安全感、自尊心以及自信心的說話,你又曾說過嗎?

【小心語言暴力】你曾說過嗎?父母最令小朋友心碎的說話

10句傷害安全感的說話

1. 你再曳,媽媽爸爸就唔錫你!
2. 你咁曳,一陣激死爸爸媽媽你就知味道!
3. 係咪想激死我呀?
4. 我唔要你啦,你去搵你爸爸/婆婆/姐姐啦!
5. 你跟「工人姐姐」返菲律賓啦。
6. 你咁鍾意話邊個邊個個媽咪俾,咁你去做佢個仔啦!
7. 一早唔生你,我同媽媽不知幾歎呀!
8. 如果無生過你哋,你話幾好呢?
9. 成日都問點解我得你唔得,你去返工賺錢養自己啦。
10. 拎你去賣/送俾人/俾老虎食咗佢。

10句傷害自尊心的說話

【小心語言暴力】你曾說過嗎?父母最令小朋友心碎的說話

1. 玩玩玩,淨係識得玩,乜都唔識。
2. 玩你都唔認真,認真d得唔得呀?
3. 你d同學仔又識,個個都識,淨係你唔識,你返學發夢呀?
4. 人地個個咁快,你呢?/人地又識呢樣,學呢樣學個樣,你呢?
5. 點解你做乜都做唔到既呢?有咩用呀?
6. 你話俾我知,究竟你有咩用?
7. 真係無見過好似你咁「衰」、「曳」、「懶」、「黑人憎」既小朋友。
8. 唔怪得無人鍾意你啦!唔怪得老師咁話你啦!
9. 我都唔知生你黎做乜,激死我。
10. 再咁睇電視/打機,大個就做廢人架啦你。

10句傷害自信心的說話

【小心語言暴力】你曾說過嗎?父母最令小朋友心碎的說話

1. 我幫你啦!你自己點整呀?
2. 識唔識架你?
3. 唔係咁架,你都唔識!
4. 大個先啦!
5. 唔好問啦,遲d你咪知囉(幾時?)要知個時咪知囉!
6. 叫咗你唔好攪,又整錯晒。
7. 唔試呀!唔好試呀!整親呀!
8. 人地話俾你聽點做就點做啦,識就唔駛人教啦。
9. 係咪唔識聽唔識睇呀?有冇用腦諗呀?
10. 你個腦都唔知用黎做咩架?自己諗啦!

【小心語言暴力】你曾說過嗎?父母最令小朋友心碎的說話

其實與小朋友相處,用適合的語言去溝通是非常重要。小朋友心智較單純,很多時候感到父母不滿時會更容易吸收字面的意思,他們不會像大人一樣去考慮其他層面來衡量父母所說的話都不會是真或是衝口而出,他們會不加思索地相信父母所說的話。

她表示,很多父母說出以上的對白都出於緊張和擔心,也會因為一時之氣。所以下次有衝動想責罵小朋友之前,或許可試試給他們一個憤怒的眼神,然後直接去飲水,讓自己冷靜一下。然後找一個位置坐下來,最好是坐在地上或矮凳仔,跟小朋友嚴肅地談談所發生的事情,最後以上回分享的10句正面說話以作結尾。(延伸閱讀:小朋友情緒失控?心理學家教你10句正向說話術

advertisement