advertisement

陀 B 戒口真係好難忍,魚生、雪糕、汽水、咖啡、奶茶全部唔食得。最近又有研究發現,就算新手媽媽冇妊娠糖尿病,都唔可以放肆食甜嘢,因為 BB 出世之後分分鐘會容易敏感!

延伸閱讀>>>母親哺乳期進食花生 小朋友長大後敏感機會銳減


呢份由《歐洲呼吸學會期刊》(European Respiratory Journal)進行嘅研究發現,新手媽媽進食太多糖份,BB 出世後患上敏感以及哮喘機會都會提高。

 

 

研究人員分析咗 1990 年代 9,000 名孕婦的飲食習慣,(包括咖啡、茶及甜品),並對比孩子  7  歲時有冇對塵蟎、貓和花草過敏,以及有冇過敏性哮喘。調查發現若孕婦在懷孕期間嗜吃甜食,小朋友患上過敏及哮喘的機率,竟比其他小朋友高出達 38%,更比完全不吃甜食的孕婦高出 73%。

 

 

 

呢份研究除咗證實新手媽媽食甜嘢對  BB  過敏嘅影響,亦都證實咗  BB  敏感,與  BB  出生後進食甜食冇直接關係。研究人員相信媽咪進食太多糖,可能令胎兒的肺部組織容易出現發炎情況。為咗 BB 健康着想,準媽咪都係要忍吓口喇。