新手媽媽留意！BB沖涼步驟你要知

BB 每天都要沖涼，保持身體清潔衞生。新手父母要將這柔軟細小的身體清潔乾淨，其實也不簡單。以下為大家提示初生BB每日沖涼的步驟，事先做好準備，就可以和BB輕鬆舒服地享受沖涼的樂趣！

BB沖涼步驟（1）準備所有沖涼用品

為 BB 沖涼之前先要準備好所有物品，雖然夏天不像冬天那樣怕 BB 脫衣服後容易着涼，但亦不可能獨留 BB 在浴室。BB 沖涼的所需用品主要有以下 7 項，各位新手父母亦可按個別需要自行增減：

BB沖涼用品清單

1. 乾淨衣物
2. 紗巾或海棉（沖涼用）
3. BB專用洗髮水、沐浴露
4. BB專用潤膚霜
5. 大紗巾或大毛巾（包裹BB及抹身用）
6. 紙尿片
7. 尿疹膏

另外，在冬天時為免 BB 沖完涼「上水」後容易着涼，可事先將 BB 的外衣和內衣套在一起，方便一次過穿上。

BB沖涼步驟（2）水量、水溫要合適

準備好所需物品後，下一步就是要準備沖涼用的水。BB 沖涼時水量和水溫都要十分講究。水量最好不要超過 BB 坐着時胸口的位置，太少水可能不夠用，太多水怕沖涼時不小心甩手，容易令 BB 溺水。

BB 沖涼時，水溫應保持在攝氏 37 度左右為最佳。老一輩會用手肘或手掌測試水溫，但這種主觀測試方法並不完全準確。市面上一些浴盆有量度水溫功能，而部份家品店亦可以買到專門用來量度水溫的簡單溫度計，十多元已有交易。

BB沖涼步驟（3）先洗頭、後沖涼

為 BB 沖涼前，先脫上手上的飾物，以免不小心弄傷 BB。一切準備好後，便可以幫 BB 除衫，用毛巾包住 BB，準備洗頭。

謹記要輕托 BB 的頸背及頭位置，用前臂托住 BB 的身體，以免扭傷 BB 頸部。洗髮時，避免把水弄進 BB 的眼睛和耳朵位置，若不小心沾到泡沫，可即時用清水沖洗，再輕輕印乾。

抹乾頭髮後，便可打開毛巾，將 BB 放入浴盆中，為 BB 沖涼。沖涼時，可以手臂托住 BB 的頭和頸，手掌再捉緊 BB 的手臂和腋下位置；另一隻手輕握 BB 的雙腳，將他慢慢放入浴盆中。此時可輕輕潑水，讓 BB 適應水中的感覺；為 BB 沖涼時，可細心地以配方溫和、專為 BB 而設的沐浴露進行清潔，由於 BB 的皮膚特別幼嫩，你可以留意 BB 皮膚之間的皺摺位，仔細地清洗污垢。

BB 沖完涼後，就可以使用預先準備好的毛巾為 BB 抹身，記得要留意抹乾 BB 皮膚之間皺摺位置，幫 BB 保持乾爽，預防汗疹。之後你便可以為 BB 塗抹尿疹膏、潤膚霜，再為 BB 穿上尿片和衣服。若是正值秋冬天，沖涼時最好開着暖氣，以防止 BB 着涼。

嬰幼兒用品巡禮 全場低至3折起

立即選購

BB沖涼步驟（4）較大寶寶沐浴添樂趣

當 BB 長大一點，可以自行坐穩後，父母可以使用泡泡浴露代替普通沐浴露，增加沖涼時的樂趣，令 BB 更喜歡洗澡，你亦可以添置一些沖涼玩具，令 BB 更享受沖涼沐浴的愉快時光。