順產一定要練定！助產士教你陣痛呼吸法

不少選擇順產的新手媽媽，面對陣痛時已經情緒失控，呼吸開始急速，精神緊張。註冊助產士兼瑜珈老師Katie指，只要正確運用呼吸法，將專注力放在呼吸上，能幫助身體放鬆之餘，亦會加快生產過程，BB可以加快出世，陣痛的時間自然減少啦～

不過，呼吸法並不能「臨急抱佛腳」，建議新手媽媽在懷孕後期就可以練定「陣痛呼吸法」分散注意力。

剛開始陣痛

剛開始陣痛的時候，陣痛比較疏落，約15-30分鐘會痛一次。可採用鼻吸鼻呼去放鬆，4秒鼻吸8秒鼻呼。如果媽媽唔夠氣，可先吸一大啖氣才開始吸氣。至於沒有冇練開深呼吸的媽媽，可以想像吸氣脹肚，像泵氣球一樣；呼氣放鬆，像氣球放氣一樣。

如果只用肺部呼吸，會出現短淺而急速的呼吸，但其實應該用肺的底部去呼吸才對的。呼吸時，你會覺得肺的底部和肚也會脹起，甚至呼吸時會聽到呼吸的聲音。「我建議媽媽在懷孕後期多多練習深呼吸，生育時便不會只有急速的深呼吸。

陣痛變得頻密

當陣痛變得頻密，大概5分鐘一次陣痛時，可用4秒鼻吸8秒口或鼻呼的方法。如果白覺得8秒太長，其實6至8秒也可以。呼氣時，嘴型可盡量收細。

宮頸已打開0-8度
當宮頸已打開至0-8度，陣痛每2至3分鐘一次，可用4秒鼻吸4秒口/鼻呼的方法。

留意，呼吸長度同秒數只作參考。建議媽媽不需要硬背呼吸秒數，應先練習如何做深呼吸。如果陣痛時忘記呼吸次數，媽媽千萬不要自亂陣腳，應用返平穩﹑慢﹑深的呼吸就可以。 至於用鼻呼還是口呼，視乎媽媽陣痛痛楚的程度和忍痛能力。亦不需要硬背，「頂唔順」的話就口呼啦！