advertisement

BB失眠是一個很難搞的問題。我有了第一胎的經驗,這一趟總算比從前輕鬆。對正在坐月的媽媽來說,能令BB甜睡確是首要任務。解決BB失眠,BB瞓得好,代表自己也可充份休息,身心便能得以紓緩。

【BB失眠點算好?】新手媽咪要知BB甜睡7件事

累積了從前的湊B經驗,加上向陪月偷師,我總結了以下能解決BB失眠,讓BB甜睡的7件事,希望可以幫到各位媽媽,尤其是新手媽媽。(這裏說的大前提是BB在健康的狀態下。)

BB失眠解決方法一:食飽飽

天下所有BB,本能反應,大叫大喊的一個重要原因就是──肚餓!要解決BB失眠,令BB瞓得好瞓得耐,首先要填飽他/她的胃。 當BB飲飽奶後,提提各位媽媽記住幫BB掃風呀,尤其餵配方奶粉,否則道氣頂住頂住,除了令BBB失眠,還容易嘔奶呀。

【BB失眠點算好?】新手媽咪要知BB甜睡7件事

要確定BB是否肚餓,可以用手指輕點他/她的嘴邊,如果她張開口追著你的指頭,這就百份百代表他/她現在很餓了。

BB失眠解決方法二:Pat Pat乾爽

【BB失眠點算好?】新手媽咪要知BB甜睡7件事試想像如果BB Pat Pat濕濕,即使他/她沒有大叫大喊表示不滿,都一定不會瞓得舒服,不想BB失眠就難!最適當的換片時間是在餵奶前,因為通常BB食飽飽都比較容易入睡,如果他/她食飽正想進睡時,你左搞右搞換片,隨時給你搞醒,免得前功盡廢,還是餵奶前check片。

BB失眠解決方法三:舒適衣物

不想BB失眠,想BB瞓得夠甜,穿著舒適的衣物都好重要,必選全棉的衣物,款式以開胸的連身衣最好,就算半夜要換片都不用左除右除咁複雜,唔怕搞醒BB。同時避免太花巧的款式,如拉鏈、喱士、花邊、毛毛等,太厚太焗身的質料都不宜。

【BB失眠點算好?】新手媽咪要知BB甜睡7件事我個人很喜歡來自法國嘅 PETIT BATEAU,BB衫設計簡約時尚,signature除了有我鍾意的波點及條子,還有碎花圖案,質地不用說,選用優質靚純綿,洗極唔易殘,價錢唔平,但我通常睇準減價時入貨。呢幾件全部係啱啱summer sale時買給囡囡的。

BB失眠解決方法四:加強安全感

BB在媽媽的肚內10個月,都被胎盤胎水包裹住,好有安全感。不想BB失眠,就要給他/她安全感。所以初生BB瞓覺時都建議用舒適的圍巾包緊才放上床,讓BB猶如在媽媽肚內面咁溫暖而又有安全感,自然瞓得甜啦!

BB失眠解決方法五:適當室溫

室溫都好重要,太熱或太冷都令BB瞓得唔舒服,太熱容易令BB煩燥,甚至出熱痱或粒粒,太冷,BB打噴嚏容易扎醒,會令BB失眠!最舒適的溫度為24-25度,再蓋張薄薄被仔就可以了。

BB失眠解決方法六:搖籃摧眠

最令媽媽氣餒的,好多時係以為暗了BB瞓,點知一放落牀,BB即刻醒晒,甚至大叫大喊,要你抱番起佢,最慘係有啲BB仲鍾意人一邊行,一邊搖呀搖咁暗佢先肯瞓,確實輕輕搖晃是能讓BB安眠的作用,唔想BB失眠,我推介坊間唔少搖搖椅或牀,真係幫到手。

BB失眠解決方法七:音樂靜心

遇著燥底BB,少少噪音或突如其來的扎醒,BB就大叫大喊難以入睡,要安撫這類BB,不妨播放柔和音樂,或一些搖籃曲,同時可輕拍BB的心口,讓BB平靜下來,自然唔怕BB失眠。

【BB失眠點算好?】新手媽咪要知BB甜睡7件事

COMBI 呢張最新嘅搖搖餐椅,除咗可作high chair,放平後是張電動的音樂搖搖牀,我家的妹妹豬就很喜歡它,我都大愛!因為有咗佢,我可以多啲時間休息,睇見妹妹瞓得咁舒服,我個心都甜晒,仲唔駛擔心BB失眠,真係物有所值!

【BB失眠點算好?】新手媽咪要知BB甜睡7件事

電動版最正係可調較搖晃的幅度及音樂的音量,約15分鐘後會自動停止,你亦可以選擇單播放音樂或只輕輕搖晃。

 

查詢:

COMBI : Aeon, Sogo, Wing On 2366 2892

PETIT BATEAU: Shop 209, 2/F, Lee Garden, Causeway Bay 3188 1592