advertisement

有無發現人生其實有好多真理, 係我地由細聽到大。細個時又無咩點留意,但去到某個位,你會驚嘆一句:「啊!唔怪得人地成日咁講,原來係堅﹗」

前2日呔仔響學校因為唔敢同外國人老師講英文,唔係我地平時講開既語言嘛。佢就話:「我唔識架媽咪…」我鼓勵佢。唔識唔緊要,最緊要係嘗試,盡左力,就算做得唔好都無人會責怪既。

遇到困難千祈唔好放棄,只要不斷嘗試,終有一次係會成功!哈!係咪好行貨呢?做媽咪係走唔甩講呢D架喇!

咁岩今日去摘果,發生左一件小事。件事令我想起呢道理,即刻拎黎做例子同對仔討論下先!(咁難得既教仔機會,點可以錯過呀!哈! )

話說一早計畫今日去Cherry Picking,路程都幾遠,個幾鐘車。通常去玩之前,我好鐘意撩起2個仔既興奮心情。會講聽日大約會去邊呀,做咩呀,見到D 咩呀。總之講到勁好玩咁啦!哈!

今早帶住興奮既心情出發。點知一去到, 第1個果園無開,再揾另一個又無,然後個個都無開。

我已經係死唔放棄咁迫我老公四圍兜,睇下會唔會有一個場開。摘咩都好啦,都叫有得比2隻野玩下嘛。

點知兜勻晒真係無。問其中一個果園既人,先知道原來摘果season 5月尾已經過左。

唉呀!失望到爆呀。嗚……爸爸就問佢地,果園無開,不如改去玩具反斗城啦!

(註 : 爸爸係一開始發現D場無開已經放棄。哼!)

細細OK,即時轉軑。但呔仔就唔開心,話想去摘果。

慘喇,個仔咁失望。我都未曾見過佢咁失望個樣喎。即刻發左矛咁whatsapp朋友問。又上網check睇下附近仲有無其他場開。最後問勻都無,真係勁失望。無晒辦法唯有接受事實,走人…

開車無耐。依? 見到有個場寫住Peach Picking。

仲有D車泊左響度。心諗「唔通有料到?」

即刻同老公講,拿!我地睇埋呢個! 如果無即刻走!

我示範咩叫「垂死掙扎」。哈!

結果呢度真係有得摘呀﹗我地興奮到呢!

就係咁,我示範左一個由細聽到大既真理 : 「只要不放棄,總有一日會成功﹗」

希望今日呢件小事,又增添左佢地既成長智慧啦!

你睇我地摘果摘得幾開心!

photo_kelly_2

photo_kelly_1

呢D就係唔放棄換來既快樂快啦。Yeah!

(當然當中包含左十萬個好彩係唔會同D仔講既。佢地要學既係「努力」嘛。「運氣」可以大個D先明白。嘿嘿。)