大朋友大智慧

上篇文章舉左D例子,我地可以點樣從日常生活中過D正能量比小朋友,希望佢地由細開始懂得凡事向好果方面諗。

 

平時我一有機會就引導佢地既思想,想佢地知道每日都有咁多唔同既事發生,有開心有唔開心。開心可以放大,唔開心就縮細,諗D野去令件事變成好事,盡量平衡返自己D心理。

 

舉個例每個人都有當黑既時候啦。係咪?

 

有時黑起上黎真係好想問「Why me??? 」

 

但我會即刻諗,好彩黑左個細,擋左個大既,唔係仲大鑊!咁個心係咪舒服晒先? 哈~

 

可能我係樂天派,凡事都向好果方面諗。即使係一件苦事,只要可以從中領略到D野,佢既發生就變得有意義。正所謂「衰唔晒~」

 

而我除左將自己既大(又稱阿Q精神)傳授比呔細之外,我亦都經常時常不停去提醒我身邊果位兄仁(我一早已經懷疑佢燥狂-_-”),唔該注意下自己平時既行為!

 

唔係我講,而係事實上身教真係好重要!

 

「身教」可以將你之前講到口水都乾埋去教佢地既道理,變得亳無意義!呢個係堅!!

好似爸爸平時渣車咁,次次轉黃燈前面部車梗係左鬼住晒攪到去唔切,10次有8次停紅燈。又或者明明行行下快線又會有部車夾硬cut過黎慢駛個喎﹗(咁又真係好忟既!嘿嘿~) 以前佢一定殺氣沖天﹗但而家只會望住我苦笑,講句「咁都有既﹗」

 

因為佢知道如果佢一忟,呔細就會好緊張問「咩事呀爸爸? 」

 

我同佢講,真係要收下自己D脾氣。因為D仔係會完全學左你,以後好小事就會發好大脾氣,變成一個好易忟既人。

 

又好似有次,爸爸整極都整唔到車尾塊太陽擋,就怒吼左一聲。

 

由於聲浪太大嚇親坐前排既仔,D仔即刻問爸爸做咩大嗌?

 

唉!又係咁!我唔幫佢拆啦!

 

咪同D仔一齊問 : 「係囉!爸爸做咩大嗌呀? 」條友知衰,自己亂兜,唔知話有咩野飛過嚇親佢喎!@@”

 

我本身無咩脾氣,基本上發生咩事我D反應都係好冷靜。

 

所以我唔知臭脾有幾難改。但我覺得既然有左「做人父母」呢個責任,就時刻都要提醒自己做個好榜樣比D細路睇!

 

其實唔止小朋友,都需要大。要識得控制自己,先可以控制到小朋友,可以控制到場面。

 

無辦法架喇,大家唯有成熟D,揾個無人既地方先發癲啦!

 

何生,身為一個燥狂人又想做個好爸爸,「精神分裂」是必須的!XD

Kellyma