小寶寶入醫院

daidai

皮皮自出世都幾多災多難,入左幾次醫院,入到我都熟哂環境及規矩,有哂經驗,今次分享下入住公立醫院要注意的事項!

 

第一:必帶出世紙!

通常入院第一part 先到急症室報到,如果冇出世紙都幾麻煩,另外醫院會立即收你$100。

 

第二:私家醫生信

通常有醫生信refer會快些,如果嚴重的話立即安排入住,唔想在醫院急症室外呆等,都係寫定封信隱陣D!

 

第三:帶奶粉尿片

醫院會有現成即沖奶供應,但未必是你寶寶食開果隻,預左留院的話,帶定一罐去以保安全;另外尿片都要自己帶,醫院冇得買架!

 

第四:父母保持鎮定

寶寶入院父母一定很憂心,甚至因擔心孩子而變得忟憎暴燥。但此情況下要保持鎮定,遵守醫院裏的規則,配合醫務人員的指示,寶寶先至及早痊癒。

daidai_2

經驗小分享:

皮皮曾經因急性支氣管炎入左醫院住幾日,在公立醫院的兒童病房,家長可以24小時陪同,但就冇大人床位,半夜訓唔到,都幾辛苦架!而且行開行埋都要上寶寶床欄保障小寶寶安全。

 

有次我人有三急要上廁所,病房只有我和皮皮,我跟孩子說:「媽媽要上廁所,你乖乖地等我啊!」想不到離開個仔果幾分鐘,皮皮好安靜坐在床邊等我,還一見到我很開心叫「媽媽」!令我既開心又感動!雖然寶寶病倒入醫院好可憐,但期間24小時相對郤加深我們的親子關係。

 

daidai3

 

當父母必定很擔心孩子健康,但反而要比小朋友知你對佢有信心,跟孩子說乖乖吃藥便好快好番,好番就可以一齊返屋企!那麼寶寶有爸媽支持,一定可以及早康復,做個健健康康的好孩子!