advertisement

通常同完香港D friend傾湊仔女D野,都會有「戥班細路可憐」既感覺,皆因D父母真係愈黎愈喪。自己喪唔緊要,仲多數係要迫埋人地都一齊喪!唉,班細既係無辜架! 唔好攪佢地啦~

細個聽過人地講,女人係群體動物。做咩都好,最緊要有人陪! 如果有人同自己一樣咁慘,就會覺得自己都唔係咁慘啫,係咪?

而我通常都係扮演一個「開解者」既角色,盡量打救呢班迷途既大羔半,等佢地D小羔羊可以得救。哈~

傾到咁上下,多數朋友埋尾果句都係 : 「我會盡量提醒自己唔好咁影比人影響到架喇﹗」由此証明一眾3姑6婆(即係8婆﹗)既說話真係甚具影響力﹗甚至乎好似入左邪教咁,不停被洗腦,比較再比較﹗唔係大人喎!係拎自己D仔女黎到比較再比較!

2年前,2011年7月,呔仔自己第一次POO POO落塔仔!有感而發﹐我寫左一篇「呔仔便後感」﹐放左上Facebook,當時呔仔2歲8個月大。

可能響好多人眼中,2歲8個月先戒片?! 唔係呀??

我覺得好正常喎!一個人成長,只係需要同琴日既自己比較﹗佢琴日仲痾緊落片,今日就進步左識痾落塔,呢個就係佢既成長囉。

「呔仔便後感」

老實講,對於湊小朋友,我係比較傾向西方教法的。 即係順其自然「When he's ready, he's ready~」 由戒夜奶到戒片,我一點強逼性都無。好多媽媽(特別是香港) 會覺得小朋友某個年紀,就要佢地做到某件事,又或者會同其他小朋友比較之下,如果自己個仔做唔到,就會覺得佢無咁叻等等~ 夜奶要一早戒,片要一早戒,學呢樣果樣。 早幾個月返到香港,在親戚家住。佢有位師奶朋友入黎坐左一陣,見到呔仔細細就開始講佢個孫。無所謂,大家交流下~「丫,你仔同我個孫咁上下大,我個孫就高大好多~ 識踩單車未呀? 佢(指呔)對腳咁短都未必踩到~ 仲未戒片呀? 2歲半喇喎!我個孫一早戒左喇~ 細果個食夜奶食到1歲呀? 我個孫2個月就唔食了。」

我無咩感覺~ 不過見屋企人好似有D介意,又解釋話我地外國屋企係地毯,戒片比較難~ 其實我一D都唔在乎人地既睇法,我只係唔明點解D大人咁鐘意拎自己D細路去同人比較,同時又會介意人地點講~

其實有無諗過,小朋友根本唔介意呢D野﹗佢地只係想開開心心咁玩﹗響佢地既世界裡面,根本就無高低尊卑,否則呔仔唔會咁鐘意垃圾車。唔會咁仰慕垃圾叔叔吧?

小朋友唔會睇小人,唔會吹虛自己有幾叻。根本呢D所有咁醜惡既心態,都係班大人教既! 如果一個小朋友,佢鐘意踩低別人抬高自己,鐘意認叻,又或者鐘意笑人地既缺點,咁我都可以100%肯定,佢父母長輩當中一定有D咁既人,即使無做出面,心態都一定係咁樣。否則你唔會見到個小朋友有咁既心態都唔去糾正佢吧?除非你都認同佢~

我成日覺得,佢地可以做到既,就自然會去做。例如學坐,學企,學行,根本無得逼。做父母,就係從旁指導,不斷支持,叫佢跌倒就企返起身再試過,唔好放棄~「Every state of Development is complete in itself. The 3 yr old is not an incomplete 5 yr old. A child is not an incomplete adult. 」小朋友發展,每個階段都會「自我完成! 自我成長﹗」根本唔需要急~ 無錯你係好proud佢未夠2歲就戒片!又打又鬧又嚇又氹又扮嬲,攪到佢唔敢賴屎賴尿,覺得自己做錯事。有無諗過,咁樣已經阻礙左佢既自然成長,傷害左佢弱小心靈呢?? 其實到佢ready既時候,你要佢再著片,佢都唔肯啦~ 今晚見到2歲8個月大既呔仔,主動同我講話要去POO POO。拖我入廁所,真係痾左!!佢痾完都好開心地笑~ 我真心感到興奮! 因為佢「自然地」成長了!又到另一個stage。又再次証明,我既擔心係多餘的,到時到候,佢自然會長大,自然會學識佢要識既野~ 呔仔。I am so proud of you! 嘻~

1

呔仔第1次著底褲仔 ^^

2

到細細既戒片時候,可能有哥哥跟,大約2歲9個月左右,佢就自己拖我去塔塔痾,我都無咩點train過佢~

雖然係第2個仔,但對於屬於佢既所有第1次,我仍然係十分之興奮架!!

3

細細第1次著底褲仔,可以同哥哥一樣,好開心呢~

4