開學了,不再做BB

漫長嘅暑假終於完結,大中小幼稚園學生都開學啦。

 

可能適逢開學,同學生或家長有關嘅新聞好似特別多。好似「大學生家長陪子女開學」、「大學課程家長日」、「越來越多基層家長安排子女返上下晝兩間幼稚園」、「家長通宵排隊報PN班」...等。

 

可想而知,子女嘅教育,一直都係父母最「關心」嘅事,或者係最「擔心」嘅事。

 

宜家嘅競爭實在太勁啦,越推越早。

 

家長們都好驚輸在起跑線上,所以在驚輸的陰影下,不自覺咁提早推子女上起跑線...

 

作為家長嘅,有時真係唔知點算好。

 

 

最近遲仔升上小一,喺學校學左一首歌,佢成日唱住兩句歌詞:

 

「不再做BB,做自己要做嘅事。」

 

每當佢無手尾,唔肯執野、唔記得掛好衣服...等等,我同遲媽就會唱呢兩句歌詞俾佢聽,跟住佢就會笑笑口咁做番好佢要做嘅事。

 

呢兩句歌詞真係好好,提醒左我...

 

我諗我會怕仔女輸在起跑線上...,但我更怕仔女變成港孩...

 

我諗,其實琴棋書畫語言藝術運動等等,家長都可以安排俾仔女去學;但喺,千其唔好忘記要更重視仔女的品格培養...,例如,喺遲仔升上小一呢個階段,要慢慢獨立,做自己要做嘅事,不再做BB!

 

(從幼稚園開始,遲仔一直堅持要自己孭書包。升上小一後,其實書包都幾重,但係佢仍繼續堅持) 做自己要做嘅事)

 

vincent_schoolbag

 

(升上小一後,多左功課。更需要培養遲仔自動自覺做功課的習慣。)

 

vincent_photo1