開花結果

悠長嘅暑假仲有一日就完喇!做家長嘅當然開心啦,但對小朋友嚟講就……(笑)

 

囡囡娃子就讀嘅學校在今年五、六月時,要求每位學生都要在學校裏種一盆植物,目的係想學生觀察植物從一粒種子到開花,最後結果,再從果實裏面取出種子,在整個過程中學習植物嘅自然生態,並教導小朋友要愛惜花草。

 

七月尾(放暑假前),老師要求學生們將自己種的植物搬回家,在悠長暑假中繼續努力栽種,直至取得種子為止。最後,將觀察結果記錄在暑期作業上,加上圖畫,並連同自己親手種出嘅種子交俾老師。老師將種子收起,留待明年派給下一屆嘅學生用。大家重複做呢個動作,種子一年傳一年……

 

我覺得學校用呢個方法教學幾有意義。學生從經驗中學習每件事物,用自己雙眼去感受,自己領悟,總好過我哋家長千叮萬囑,次次行過公園都一定要講句:「唔好摘人哋啲花花呀!」

 

▼ 這就是娃子種嘅植物喇。花花開得好靚!其他嘅就差唔多謝哂結哂種子喇。

yagakko_photo1

 

 

▼ 娃子手上嘅就係自己親手種出嚟嘅種子喇。睇佢滿心歡喜嘅樣子!急不及待想將結果同大家分享噉喎。哈哈~

yagakko_photo2

 

 

 

yagakko_photo3

 

唔知呢袋種子,明年會落在邊位小朋友手上呢?

種子們,娃娃都祝你哋明年個個快快樂樂,健康成長喇!