放手 + 忍手

遲仔升上小一已經差不多個半月,到目前為止,大致上能適應投入小學生活,喜愛返學的。

 

作為小一學生的爸爸,其實我也在適應中。

 

有一段時間,我發覺對住遲仔,好不自覺地會...

 

催促遲仔專心啲做功課...

 

催促遲仔食飯食快啲...

 

檢查遲仔嘅功課有冇錯漏...

 

檢查遲仔執書包有冇執漏野...

 

檢查遲仔有冇帶齊游水堂、視藝課嘅物資...

 

 

有時,似乎做爸爸嘅,有時仲緊張過返學嘅主角。

 

若果,我仲緊張過佢,原本係佢自己嘅責任,但係我又事事提醒佢,幫佢執漏,做到「滴水不漏」...,咁樣又係唔係一件好事?

 

想通了,遲仔嘅事,要佢自己「主動」、「自動自覺」去做,咁樣佢先可以學會負起自己嘅責任。過程中雖然係會撞板,但透過撞板,佢就會學會點樣避免再犯。

 

想通了,要學習同忍手,做爸爸嘅,只是從旁「點到即止」的提點及協助。

 

希望咁樣,遲仔可以慢慢從經驗中學習,慢慢長大!

 

chiba1