港童所見略同

」呢個名詞或者形容詞﹐雖然係出自於近年﹐但其實早於廿幾年前我媽咪已經育有一﹐即係本人喇~ (我唔係廿幾歲﹐但我應該唔會一出世就卦? 起碼都幾歲先開始既~)

 

我細細個(扮咩丫﹗係到生仔之前﹗)真係好呀﹗我唔係話響出面大大聲聲無禮貌果D﹐我只係有問題。唔係喎﹗其實我唔錯﹐應該話我由細到大都無咩機會自理﹐媽咪咩都幫我做晒~ 我從來無做過家務﹐到小學畢業仲係瞓響媽咪大脾洗頭﹐到中學我媽咪仲搣緊橙餵埋落我口..好喇到讀大學自己出黎住﹐過癮喇﹗從來唔開爐﹐水都唔煲﹐買支裝既﹗麵都少煮﹐食杯麵唔使洗煲嘛﹗食飯? 痴餐囉﹐慶幸交遊廣闊﹐本人四處為家﹗哈~ 我諗都唔少朋友見過我一聽到有「屋企飯食」即刻雙眼發光個樣架喇﹗果時響香港做野﹐D同事帶左屋企lunch唔想食﹐一定係過比我架喇﹐知我渴屋企飯丫嘛~ (我老公敢娶我真係一個自殺式既英勇行為呀﹗﹗)

 

我一直都覺得媽咪咁愛錫(直情係嬌縱啦﹗)自己真係非常幸福﹗但自己知自己事啦﹐以「過來人身份黎講﹐我可以肯定講句﹐咁縱法係好大鑊﹐真係自己受返晒﹗我叫好彩喇﹐比人咁縱法我都仲咁正常(我自己覺得咋下) 我只係懶做屋企野﹐但我好鐘意工作架﹗女仔仲OK,hea hea下揾個好老公嫁左去就攪掂。

 

男仔就真係唔縱得喇﹗做男人要有社會/家庭責任﹐要有承擔嘛﹗所以佢地D野我盡量叫佢地自己做返﹐可以教佢地做﹐但唔係幫佢地做。我覺得錫佢就係要訓練佢各方面既能力﹐將正面既思維過比佢﹐等佢可以有能力面對/解決唔同既事情﹐咁佢就會有個快樂既人生喇 ^^ (好明顯我係想train到2個仔自己攪掂自己﹐咁我就可以繼續咩都唔做﹐繼續做「老」喇﹗haha~)

 

是日2隻野話想幫手洗碗﹐又好﹗等你地知道食完既碗媽咪要逐隻洗﹐知道每樣野背後都有人辛苦付出的~

1

 

2

 

3

 

4