餐桌上的分享

我同遲媽各有各忙,好難得先可以一家人一齊食餐飯。

 

今日一家人一齊食食下飯,遲仔突然分享一件喺學校發生嘅事...

 

「今日小息時,XX同學話我行得慢呀...」

 

試下引導佢講多啲...「跟住呢?...你當時點諗呀?...下次遇到類似嘅事可以點樣處理呀?...」

 

遲仔講下講下,講到眼濕濕。

 

但分享完後,抹乾眼淚,又繼續食飯、同齊齊講笑嗌交。

 

似乎,今次分享,遲仔可以放下心頭裡嘅一件大石。

 

小朋友越來越大,要面對越來越多嘅人和事,會遇到外來嘅壓力、與人相處嘅不協調。特別係遲仔呢類比較硬頸同固執嘅小朋友,我諗會喺人際關係上遇到唔少困難。

 

希望今次飯桌上嘅分享經驗,可以讓遲仔知道,「屋企」係一個可以讓佢分享、讓佢得到安慰、讓佢得到指引嘅地方。

 

遲仔,加油呀,爸爸撐你!

 

後記:要讓仔女覺得爸爸是可傾訴的對象,爸爸要...

 

(1) 投資時間陪伴,係專心陪伴,唔係一面玩手機一面陪個一隻。

 

(2) 多,唔好咁快下結論或給予答案,善用引導問題:跟住呢?可唔可以講多啲俾我聽呀?

 

(3 控制情緒:不要時常板起面孔或黑面;不要經常催逼,依依哦哦,攪到自己好似一隻「黑面天哦」咁樣。

 

chiba_photo

 

(好好珍惜同仔女一邊食飯,一邊分享的機會。)