吹泡泡

齊齊就快五歲啦,呢位小妹妹,仍然好鍾意吹泡泡。

 

不論係追住泡泡來拍拍拍,還是自己拎住棒棒來吹吹吹,齊齊都會全情,樂在其中。

 

不過,作為家長,有時又會有啲「怪獸」諗法...

 

「唉吔,玩吹泡泡玩到咁污糟,成手痴立立,好難清潔架,唔好玩啦...」

 

當有咁嘅諗法時,會有意無意咁唔俾齊齊玩,或是當陪佢玩吹泡泡時會唔,會求其敷衍了事。

 

但係當見到齊齊玩吹泡泡玩得咁開心時,就會醒一醒,問自己:「點解要為左清潔同善後呢啲小事,而唔俾齊齊去玩,唔俾自己去陪齊齊玩呢?」

 

早前在網上睇到一篇文章「成年人要學:小孩的八個之道」。文中提到其中一樣小孩之道就係「污糟沒甚麼大不了」。從自己的成長經驗中,都試過儘情咁玩下沙、玩下水、赤腳行草地、在草地上碌來碌去...,其實真係好好玩。大人點解要被一點點污糟而攔阻住自己?攔阻住子女呢?

 

若果因為呢啲小事而拘泥、而顧忌,就有可能讓子女失去玩樂的機會,失去左童年快嘅回憶。

 

看來作為大人的,真係要學習放開一點,與子女一同發放童真童玩嘅力量。

 

20140101_162538_1

 

「一個個飄來飄去嘅泡泡,可以為愛女帶來歡樂嘅時光,泡泡們,真係唔該晒,多謝你地!」