左擁右抱

自從呔仔細細出世後,左擁右抱已成為我每晚指定動作。轉眼間5年了,有時會諗,男仔黎喎!始終都要長大,唔要同媽咪瞓嘅一日。仲可以攬住佢地訓幾耐呢? 呢D甜蜜時光,過左就無架喇!每晚攬住2個暖笠笠,每朝起身擘大眼近距離望到2個豬樣,好sweet呀! 一諗到呢度,又唔捨得放手,踏唔出同佢地分床既呢一步。至於老公,當然非常贊成,成日想諗辦法整走2隻野,重返老婆既懷抱啦!

記得細個,我就係晚晚攬住媽咪訓嘅小Baby。其實都唔Baby架,印象中都攬住媽咪訓到小學畢業。媽咪會晚晚幫我R背脊,會講故事,或者同爸爸以前嘅事。最鍾意zip D手手腳腳去媽咪度,特別是天冷時,勁暖勁舒服呀!有時半夜發D好驚嘅夢,一紮醒,攬返媽咪又安安樂樂沉睡去~ 呢段童年回憶,我每次想起都會覺得好心甜,到而家咁大個,我仍然為呢段時光感動~ 而家2隻野好嘆架!臨訓前要我讀漫畫書,熄左燈就開始R背脊,1人1邊我訓中間反手R架!Haha~ 唔知呔仔細細大個時,會唔會都回味細時有媽咪攬住訓既時光呢? ^^

童年嘛!一世人只得一次,既然開心舒服,順其自然啦~

溫馨時光 ^^

1 2 3 4