游水抗哮喘

前年呔仔快4歲時,被醫生確診。原因好可能係遺傳,因我同佢爸爸都係勁底,而細細BB時D濕疹仲非常嚴重。初初聽到話,真係世界末日,喱埋狂喊,個仔有事做媽咪既真係勁肉赤!又內疚啦,咳左兩個禮拜覺得自己拖耐左,唉~ PO相當時,就有好多卜友安慰我,又講我知好多對有幫助既方法,我先開始悉懷,真係人間有情啊!

 

集合所有建議,其中最多人認為係游水,都話keep住游水,會斷尾。我當然不敢怠慢,即刻幫2個仔報班。

 

雖然我係住加洲,但大家唔好以為我呢度好好陽光,查實我地住三藩市既,長期大霧又大風。就算夏天都只係得三兩星期會係熱,但就算點熱,夜晚都會凍架喎,都要著長袖!一日4季十分平常,車入面有晒唔同季節既衫,因為可能渣得半個鐘頭去另一區,會由冬天變左夏天!

 

由於天氣關係,呢度無人會去沙灘游水,亦無公眾泳池。結果搵左我地社區既班,室內有暖氣,但水係80度,凍的,要游開個身先會暖。另一間就係有暖水池既學校,但要等位,所以就游住社區果間先!陰功喇,天寒地凍,睇到2隻野落水凍到牙較都震埋,上左10堂,堂堂都唔想落水。結果唔學住,等暖水果間有位先再學。

 

前2個月,終於等到暖水池有位,2隻野開始上堂。佢地上第1堂非常鐘意呀,老師又有愛心,佢地仲成日問住幾時游水。呢邊D泳班全部每星期一堂,每堂半小時。好似好少時間咁,但佢地又學得幾好喎!由初時落水都驚,到而家用tools游到少少,手臂開始識划水。不過其實學得快慢唔緊要,最緊要keep住游水強壯肺功能,呢個先係重點!

 

間學校分級用Ribbon,而家佢地working on Green Ribbon(即初級), pass埋‘識抖氣’就可以拎到Green Ribbon升級喇!每級會教唔同既技考,達標後繼續上。諗起2個仔第時游水好叻,有型又大隻(自己幻想...),真係開心喇!哈哈~

 

IMG_20140304_1

 

IMG_20140311_1