2555日爸爸

剛剛同遲仔慶祝七歲生日。
屈指一算,即係做左七年

 

1

 

 

七年,即係2555日。究竟呢2555日係點過嘅呢?
慶幸一直有影相、有寫blog,呢七年裡面嘅回憶,印象深刻,仲可以慢慢回味。

 

6

 

 

做左,要兼顧工作同照顧家庭,相比起未做之前真係好累好累。
但係,當有機會做,卻有意想不到的收穫。

 

5

做左,有機會陪伴同見證子女的成長過程,讓我有機會再經歷一次童年!
當陪伴子女去公園玩、一齊玩LEGO、一齊玩天下太平、一齊玩BARBIE、陪佢地玩煮飯仔、佢地扮醫生時我扮病人、佢地扮侍應時我扮食客、陪佢地睇好多我細個時都無睇過0既經典童話故事、陪佢地一齊唱兒歌、陪佢地一齊玩一齊癲...

 

4

 

有機會做番童年的活動,其實係幾自由自在無拘無束!若果唔係做左,都幾難有機會咁樣玩,咁樣癲!

再想深一層,有機會做,亦讓我重新思考反省自己的人生(好似講到好嚴重)。

 

3
當要為子女計劃供書教學...當學習如何管教子女...當子女每事問「為什麼?」時...

 

與兩隻小鬼0既互動,一直在衝激我,讓我重新去面對生命中什麼才是最重要、什麼才是正確...當我自己正在為人生的下半場努力拼搏時,可以還原基本步。

 

2
一直都覺得,做父母的,為子女付出很多,犧牲很多。不過,子女的出現亦為父母帶來很多很多。所以,好想趁住呢個機會,同我家兩隻小鬼講聲:真的多謝你地!
各位爸打媽打朋友,湊細路的確係會令人身心俱疲的,但緊記,好好享受當中的得著!