為子女,放下手機

最近一位社工同事在面書徵求意見,與小朋友同枱食飯時有乜好做。

 

事緣呢位同事同家人外出食自助餐時,佢見到鄰桌一家人,共有三個小學生,佢地全程在玩手機,手機無電就玩平板,連平板都無電啦,就拎部陳年電子遊戲機出來玩。

 

同事話喺兩個鐘裡面,呢三個小朋友無停過打機。咁有冇食野呢?係有嘅,不過係由父母餵嘅....

 

我諗呢幾位小朋友在食飯枱會咁專注於電玩,可估計到,佢地搭緊車、喺屋企、甚至行緊路時,呢三個小朋友嘅專注力,都會被電玩所佔領。

 

其實,唔單止小朋友有咁嘅情況,大人都差唔多...

 

一對情侶,拍緊拖時,會各自玩緊手機…

 

一班朋友一齊食飯,也是各自對住手機,同不在場的朋友緊密聯繫中...

 

一家人同枱食飯,卻各自對住自己面前幾寸大的小小屏幕…

 

身為家長的,若唔想被手機屏幕阻隔與家人的溝通聯繫,我想,家長要有所行動。

 

其實我都係一個重度手機/互聯網使用者,我正在學習好好控制...

 

第一步,學習與家人在一起時,我會放低手機。學習專心陪伴家人,一齊傾計,睇圖書雜誌,玩玩具....等等。

 

20140505_21433120140505_214406

 

 

希望可以喺仔女面前,有一個示範。另外,亦希望可以同佢地一齊,發掘不同消磨時間抵抗沉悶的方法,唔一定要用手機來攝時間嘅。希望咁樣,可以幫自己同仔女可以一齊學習,適當地控制手機,而不被手機所控制。

 

各位爸打媽打,互勉之,加油!