甚麼價值觀?!

笑貧不笑娼」絕對可以形容現今社會風氣,呢個社會現象真係令人心寒!點解個社會會變成咁呢? 窮人就無尊嚴? 有錢就有尊嚴? 但我深信,尊嚴係來自一個人既人格!

 

朋友話,響香港做,非常唔受重視,差在未比人出口話「。得唔到親友支持,就連樓下多口阿姐都會同佢講「哇!你咁後生就唔做野,有錢都唔搵喱埋響屋企湊仔? 咁辛苦讀飽書做湊仔婆?’講到到好似社會寄生蟲咁!

 

阿姐,我想講其實比女傭既工作更忙。而我地揀得做,D仔女係自己既,一定200%心機對待!年中無休去湊不特止,勞心勞力去教先係重點!教得好係自己既,兩公婆覺得值得就OK啦。呢個年頭,真係唔係咁多人願意同夠耐性全日對住小朋友,又肋緊褲頭幾年自己去湊,絕對值得尊重。

 

但好得意架喎!無錢既先會變成社會寄生虫,如果有錢呢,就變成‘好好喎!「少奶奶響屋企湊下仔個感覺係令人羡慕架喎!少奶奶有工人洗衫煮飯湊小朋友,自己可以享受人生,同係兩回事黎架。兩者都係無收入,對於全心付出不問回報,日日做到隻狗咁既,唔稱讚不特止仲會睇低。但一聽到人地有錢唔使做就,正喎!幸福少奶奶喎!條命生得好啦!有錢人即刻被睇高一線。

 

 

 

同親友講開,發現唔少友人因為屋企有D錢,無經濟壓力,有得痴屋企就hea到不能,懶懶散散。見到呢D例子,我都驚第時小朋友因為有屋企靠,無經濟壓力就好易變懶,所以到咁上下真係要比D責任佢地,要訓練佢地有承擔!我反而覺得屋企有條件既,就更應該利用呢個優勢去追求理想,唔需要為口奔馳為份糧做事,就更可無顧慮地向前衝,有屋企支持更事半功倍!點知親友話,佢有得靠係好事喎!唔係人人有呢個條件去hea,最緊要屋企有錢!下? 咁樣hea法都係好事?? 成世人就係咁樣浪費左喎!咁都係好事? 親友就話喇,我覺得浪費,可能人地覺得日日返工先on居,先係浪費人生呢?!呢個理論對我黎講,簡直係歪理!

 

 

 

講來講去,又係錢作怪!我覺得而家呢個社會已被金錢支配,人到左是非不分既地步。人人都覺得有錢就有尊嚴,不論人格好壞,有否志氣,只要有錢就會被尊重被羡慕。如果呢一代既家長抱住呢個去教仔,試問下一代又點可以建立到一個正確既人生觀,呢? 係時候,大家要尋找返失去左既人生價值,為理想而奮鬥,為開心而活,有好多野唔可以用錢去衡量!就如我之前幫卜友們買TOMS不收分文,有朋友會話我無謂,覺得我浪費時間買完又要pack箱寄,搵自已笨。但我想講,呢個世界唔係每樣野都要計算,都要。大家分享開心,果份快樂係永遠無辦法用錢去買。我只希望用自已小小力量,去帶比更多人正能量,話比大家知,呢個世界仍然有愛!^^

 

 

1017714_704757412880599_255702440_n