當街扭計怎麼辦?

睇到近日幾單小朋友,比媽咪殘暴對待既新聞短片,實在十分無奈。老實講,做人父母,有邊個未試過比D仔女激到爆血管? 鬧仔打仔亦唔係新奇事。但大家有無發現,其實鬧完打完,下次咪又係犯同一樣錯!成日咁激動,其實都好無謂。

 

我覺得點樣先可以等佢記得一次教訓,唔會再犯呢? 個重點就係要佢理解果件事,分析比佢知佢做錯左D咩,如果咁做會有咩後果。小朋友真係需要教,比心機教!

 

講就易喇!咁響小朋友既時候,點可以咁冷靜咁分析比佢知呢? 拿!呢個係重點!成件事發展成點,係打仔講粗口丫,定係個小朋友乖返拖住你走呢? 個問題唔響小朋友身上,係個大人點樣去處理,點樣拆掂單野。我咁講,大家可能會即刻諗,tum佢就佢咪得囉!買糖買玩具,食雪糕...但你諗下,佢,仲要呵返佢轉頭? 咁佢大晒啦,仲使教既?!咁樣解決件事,叫做縱!唔係教!(我見好多人都係咁縱法)

 

咁講啦,不幸地小朋友真係發癲,,大人要不慌不忙,千祈唔好同佢癲埋一份。最基本自己要冷靜先啦。我自己為例,激動時我會合埋眼幾秒,抖幾啖大氣,過下冷河先!之後開始,聽就最好啦,唔聽既話,嘗試帶佢去少人D既地方再教。因為有外人,你同小朋友既情緒都會因為身邊既人而冷靜唔到。呢part無得幫,教仔唔係一朝一夕既事,真係睇你平時點管教佢,佢有幾聽你支笛。好多人就係平時唔教,到小朋友真係當巷發癲,大人覺得無面嘛,先至大鬧,教比人睇。

 

我自己都有個小經驗,2年前細細2歲時,我1拖2返香港,出街推車一個揹住一個。2歲呢D真係好難攪,佢未明得晒,佢又未識講野表達情緒。有次搭地鐵去搵朋友,無推車,拖住2個仔。到站時細細唔肯落車,拉住我響度賴死喎!我當時真係合埋眼,抖左2啖氣,我覺得無表情,唔比反應係最好既反應,特別是個環境已經嘈,個細路又嘈,自己就唔好再嘈埋一份喇。

 

咁到站都要落車啦,我唯有一手打橫抱走佢,一手又拖住呔仔。落左車,細細就爭扎喪喊,唉!唔知以為我拐帶細路!我唯有出閘後擺埋佢一邊,由佢喊,我同呔仔企響對面望住佢,間中走去問佢喊完未,解釋佢聽點解要落車,教到佢知道自己錯,唔應該,先接返佢。係呀,無比耐性架!但佢知道你唔會就佢,知道既結果係無人理佢,應該唔會再犯架喇,再犯咪再教囉,點解D阿媽咁長氣,原來係有原因。^^

 

其實個個小朋友性格唔同,只有自己先知自己仔女適合邊種教法。唔止小朋友每日學習新事物,父母都一直學習點樣教小朋友。父母愛錫仔女,佢地一定感受得到!唔好因為一時情緒,做出傷害佢地既事。加油呀各位!!

 

**可憐!細細無人理,仲要全部人走晒(喱埋裝佢)!無辦法,唔肯行就自己留響度。結果驚到喊,下次唔好喇知嘛!

DSC03374