學好廣東話

數數手指,1997 年走,咁就黎左美國17 年喇。由當初成日諗住回流,到而家竟然響度落地生根,2 個仔仲係ABC (American Born Chinese)。無辦法吧,始終呢邊比較適合小朋友成長,即使個心幾眷戀香港,目前一切都係以小朋友為先。

 

呢邊班朋友朋友D 仔女,同呔仔細細一樣,都係響度出世,屋企都係講。隔左一排無見,前幾日見面時,個個都滿口英語。即使朋友係講,小朋友都係用英文回答。可能因為佢地讀既Preschool 較少亞洲人,而呔仔細細學校8 成係亞洲人,仲有一部份講。雖然老師與同學之間係用英文溝通,但同學私下都會講中文,加上呔仔細細只係返半晝,所以仍處於中文比英文好好多既階段。

 

我地屋企完全零英語,日常對話亦唔會專登去教佢地英文,所以呔細仍然滿口,仲要係好地道果隻!佢地會講「勁攪笑!」「好食到爆呀!」「超正喎!」’呢類助語詞,哈!

 

其實之前有睇過唔少關於兒童既教法,認為父母在家應該只講母語,幼兒以學習第一語言為主。而英語可以話係第2 語言(暫時啦!好快爬頭架喇!),唔需要重點學習。原因係年幼小朋友多用身體語言接觸,而且唔同國藉既小朋友們都處於學習語言階段,即使言語不通亦唔會出現溝通問題。

 

其實都知道呔仔細細一上,都走唔甩滿口英文,而亦好快淪為只會同我地溝通既語言。但本人覺得真係太強勁了!好想好想兩個仔長大後,講到一口流利。識睇識寫就難D架喇,好多響度長大既朋友,細個讀中文學校,大大下都唔記得晒,真係要keep 住用,多睇多寫先會記得!唔好話佢地,我成日寫野,但有時有D字耐無用,都真係唔記得點寫,加上而家打字多過寫字,更令肚中墨水加速蒸發。

 

除左平時用對話,每晚睡前我都會講下故事比兩隻野聽。呔仔好鐘意我讀《》’比佢聽,佢唔識睇中文,但D 圖畫同故事好吸引,所以佢好想我讀比佢聽。另外,上次返香港買左呢本睡前故事,好好呀,唔使自己諗餐飽嘛!而且每個故事都有教育意義,故事內容易明,幾有趣,我自己都鐘意睇。既然呔仔細細都鐘意聽故事,趁今個暑假,教下佢地寫D簡單既中文字先!^^

 

20140701_133109