笠水兄弟畢業show

summer 又到喇!又係各大舉行既日子。見facebook 好多朋友都有uplaod 佢地小朋友既相同片段,好開心呢!雖然我人在外國,但見到個個朋友D 仔女都畢業了,上,又開始人生另一階段,真係既開心,又感慨日子過得真係太快了。對我黎講更加喇,一年先返香港一次,每次見面班小朋友已經又大一歲,感覺上幾年前大家先睇住大家既小朋友出世,轉眼已經上

 

香港既睇黎比較大型隆重。我地美國呢邊保持住hea 讀風格,連都比較簡單,之前影左cap & gown 單人畢業相,呢日就無再著畢業袍了。呔細學校畢業show,低班同學 (細細) 就,高班畢業既 (呔仔) 就唱跳再加多一個話劇。雖然簡單,但真係好開心,因為班細路仲好矇盛盛,笑料百出,經常引到成場家長狂笑。除左,仲有播畢業同學響學校生活片段同領取畢業證書既環節,之後仲有大食會。

 

由於呔仔細細只讀到6 月 (佢地學校係year-round 無暑假放) 呔仔9 月開始上,而細細就升班,我比佢地放2 個月暑假。所以7 月1 至10 號前,我每朝10 點都帶呔細返學校綵排,等佢地練多D。

 

記得一年半前呔仔入學後3 個月,第一次參加聖誕,第一次上台。當時4 歲既呔仔,被安排企正中間,佢由第1 首歌開始大喊,喊到唱完第2首。入後台時我安慰佢,令佢有勇氣面對人群,奇蹟地竟然完成左第3 首歌,仲有添喎!果晚響發表一段後記,呢件事感動左好多人,包括我自己。

 

 

1

 

2

 

今日又黎到另一次前呔仔依舊同我講,佢唔鐘意,唔鐘意咁多人望住佢。但我教佢,呢個係team work,係合作精神,係佢呢2年讀書生活中其中一樣要學習既野。呢次就係大家合作既成果,只要自己盡左力,跳得唔好都唔緊要,參與先係重點。我仲教佢驚既話就唔好望d人,望住老師,老師會一路陪住大家跳。雖然佢明白,但其實我都諗佢上台時可能齋企。點知今次真係喜出望外,佢有邊跳邊唱,表現得好好!真係大個仔了,我同老公都好感動好為佢自豪!可能對其他家長黎講,呢d 係微不足道既事,但我家呔仔實在太笠水,不愛出風頭,最怕做焦點,最爆係唔鐘意人地望住佢喎!所以佢能夠上台成功,仲幾享受咁款,真係令人興奮!

 

至於一向活潑好動既細細,竟然接哥哥捧,出場時勁笠水,死抓住我。音樂響起時,佢開始呆企扁咀搣手指,我諗佢勁緊張。搣到人地唱完,佢又唔肯行,要我拖返佢走,走漏隻扁咀貓貓,結果又全場爆笑。依隻野綵排時跳得好勁好開心架喎!真係有頭威無尾陣呀!好朋友響facebook 留左一句鼓勵呔仔:一時笠水唔代表一切。我都留番一句比細細:平時唔笠水亦唔代表一切!哈哈!

 

3