不一樣的頒獎禮

遲仔由2013 年9 月至2014 年8 月,參加左一個為期一年嘅訓練班。收到主辦單位通知,遲仔可以出席一個,領取獎狀。

 

初時意為呢個,只係安排得獎者上台領證書,影下相咁樣。點不知到達現場,先知道呢個,原來係一個親子同樂日。喺頒發獎狀之前,大會安排左一系列嘅活動俾嘅小朋友同埋家長一齊參與。

 

大會主持人係一位球練,佢不斷鼓勵家長一同參與,試玩不同嘅遊戲。原本只係諗住來幫遲仔喺領證書時影幾張相,無預計過要落場玩埋一份...。好啦,既然來到,點都試下啦。第一項係發球機。發球機開出一個一個慢速嘅發球,點不知,當我準備擊球時,個波唔知飛左去邊,結果試左幾次,一次都打唔到...。跟住仲有試下發球,同埋接應教練嘅發球...。雖然我之前都有學過下,但玩左幾輪遊戲後,覺得其實真係幾難。同埋,玩左一大輪,又洒又熱,對於少運動嘅我,都真係幾攰。

 

20140810_103252_1

(同子女一齊用心學習,親身投入參與佢地嘅活動經驗,會令家長更明白子女。)

 

完成遊戲後,主持人語重深詳咁話,大會安排呢啲遊戲俾家長一齊玩,係好想「家長都親身感受一下打嘅經驗」。來到呢一刻,終於明白大會嘅用意!經過實際嘅參與,我明白到,對於只有六七歲嘅遲仔,要擊中個過網並唔係易事,要喺烈日當空下上兩個鐘頭一堂嘅課其實都幾辛苦,上完班攰到想喺梳化度攤下而唔想去沖涼係正常事...。原來能夠堅持完成一年嘅班,真係唔容易。

 

20140810_094456_1

 (經過一年努力學習,遲仔都算打得有板有眼,叻仔。)

 

作為家長嘅我,好多時都會要求兩隻小鬼要做呢樣,做果樣。有時佢地未能我我嘅指示同要求去做時,我會好激氣。但係,若果能多啲去設身處地,易地而處咁去考慮佢地嘅想法,感受同難處,我諗我會明白佢地多啲,知道點樣幫助佢地。

 

真係估唔到陪遲仔出席,作為家長嘅我,都獲益良多,真係感謝大會用心良苦嘅安排啦。