求學不是求分數

其實對小朋友教育呢家野,我不嬲都無咩大計劃。從來唔覺得響過程之中,成績有幾重要。數數手指由3 歲開始返學,到高中畢業18 歲,大學畢業22 歲,預鬆D一讀就20 年。漫漫長路,係一個成長過程,應該係一種享受,係從中吸受唔同既知識同生活體驗,發掘小朋友多方面同潛能,就係佢成長中最重要既野!搵到佢自己既,亦可能會成為佢終身職業。

 

好似我咁,從小見到D 靚布就會興奮,中學時開始接觸家政縫紉,會發現自己好鐘意車野喎!又鐘意將自己D 牛仔褲剪左佢加2 塊布響側邊變做裙咁著,又或者剪爛D Tee 改頭換面,哈!結果大學主修Apparel Design,好想時裝設計成為自己終身職業 (係!我知我而家日日喱響屋企湊仔,咁人地都可以有自己既夢想架嘛!xD)。又發現自己勁鐘意上Drawing Class,可以坐響畫板前面大半日不停畫,有種難以形容既感!呢D 完全同讀書叻唔叻無關係,但當然想修到自己鐘意既科目,基本科目hea 住都要合格既。為左做到自己鐘意既事,呢樣又係其中一個可以令人自發性地讀書既原因喇!

 

其實除左課本知識外,社交人際禮儀,做人態度,都係響學校混返黎。第時出黎社會做事,對工作責任感,同同事相處,好多處事方式其實響過程中慢慢建立左出黎。呢D 亦同讀書叻唔叻無關係,但就可以決定一個人響工作上既

 

另外值得一提既,係求學時同學之間純潔既友情,一知半解既話題討論,好多少女心事真係諗起都覺得窩心!讀書生活真係我人生一段好快樂既時光呀!所以話求學,除左求分數之外,仲有好多更值得大家追求既事!爸媽們,共勉之!

 

20140730_133220