開口「讚」

時間過得好快,轉眼間,遲仔已經完成左小一課程。由上年九月,到今年七月,整整十個月,好似發生左好多野。

 

有一晚嘗試回顧一下遲仔喺呢一年裡面嘅,發現都有唔少野喎。忍唔住在面書中與親友分享...

 

「遲仔有以下嘅...

 

1. 大部份日子都可以自動自覺起床,梳洗,食早餐,換校服,探熱,提我地早啲同佢出門口等校車...

 

2. 上堂應該幾專心,好留心老師講嘅說話,大部份時間都好準確咁抄手冊...

 

3. 大部份時間都能準確地執好第二日返學嘅書包,帶備需要嘅用品 (只係試過兩三次帶漏野)...

 

4. 喺學校應該肯聽老師話,亦願意守規距...

 

5. 喜愛返學,喜愛學校,鍾意老師同學...

 

6. 大致上能掌握各科目的內容,能跟上進度... (暫不用擔心佢嘅學習能力)

 

7. 長高左,亦大隻左...

 

8. 喜愛閱讀,喜愛運動,喜愛音樂及美術...

 

9. 放學回家,都算主動咁分享學校裡嘅所見所聞...」

 

其中一位朋友在面書中留言,「記住『兜口兜面』同遲仔講番呀!」

 

係喎,點解我無諗過直接同遲仔講番?俾佢知道自己嘅,俾佢知道爸爸媽媽睇得到佢嘅努力,俾佢知道爸爸媽媽肯定佢嘅小小成就...

 

雖然好想做一個好爸爸,識得同仔女好好。但係回想最近同仔女嘅情況,原來好多時會做左「日夜天哦」,不斷提佢做呢樣做個樣,話佢呢樣唔得個樣唔好,有時甚至會鬧交駁火...

 

反而,一啲能造就仔女嘅說話,就收喺心裡面,或只同朋友分享,無親口同佢地講。

 

感謝呢位朋友喺面書中嘅提醒,能造就子女的正面說話,唔好擺喺心裡面,要開口講,要時常講,講完最後摸下佢地個頭,拍下佢地膊頭,甚至大力抱一抱佢地呢!

 

017

(遲仔,願見你慢慢,慢慢,爸爸會在旁做你的啦啦隊,大大聲支持你,鼓勵你!)