施予是福氣

l

 

人人常說「!」呢句說話我完全同意。因為只有幸福嘅人,先有能力去給予,去幫助有需要嘅人。我所講嘅幸福,未必一定係大富大貴,只要自己有額外嘅野,儘管只有一個幾毫,一塊麵包,只要有心,已經可以幫助別人。

 

平安夜晚,凍到爆炸。我地一家人揸車出外食飯,正討論緊去邊度食大餐之際,見到一個鬼佬Homeless 企左響條街到打冷震。老公遠處望到,響銀包拎左幾蚊雞出黎,兜架車過去遞比佢,問佢需唔需要食物,又比左一個蛋糕佢頂肚。呔仔細細見到爸爸咁樣做,好好奇,不停問爸爸點解要比錢同比野食佢嘅? 佢係咩人? 點解佢唔返屋企等等。其實當呔細問問題嘅時候,我已經鼻酸眼紅。諗下自己係幾幸福,一家人可以食得飽著的暖,唔止喎!仲係可以食自己鍾意嘅野,著自己鍾意嘅衫!!幸福真係唔係必然,我為自己所擁有嘅野感到滿足了!

 

516541985

 

對於呔細嘅疑問,老公講左好多例子比佢地聽,教佢地點解要幫助別人等。此事呔仔細細似乎學識同明白左D野。佢地即刻講,我第時搵到100蚊,我都要分比有需要嘅人,呔仔仲話要比晒全部,哈!之後老公同我講,其實比個蛋糕佢嘅時候有D猶疑,因為個蛋糕其實係諗住聽日我生日時,響雪山用黎做 Birthday Cake 比驚喜我。不過覺得佢比我地更需要呢個蛋糕,所以決定比左佢。我知道,因為老公望左個蛋糕幾秒先遞比佢,我就諗,平時佢好快手架喎!原來背後有咁嘅原因!我當然唔介意啦,能夠幫到人更加有意義!

 

真係架!快樂真係唔在於你擁有幾多,而係你能夠同人分享幾多,其他人會因為你而得到快樂!真係好重要,平時講幾多,都唔及你身體力行去做一次咁有感染力!響度祝大家新嘅一年,繼續幸福快樂之餘,亦多 D 將自己嘅幸福快樂,分比有需要既人。^^