advertisement

香港人對於近年發生種種謬事既反應,可以用「苦中作樂」呢4個字黎形容。因為除左好認真咁搵位笑下諷刺下呢D荒謬事黎自娛之外,其實真係做唔到D咩,有得笑下都係開心既。 Shemom呢度講既關於親子教育,其他野就唔響度評論了,但琴日睇到毛記電視分獎禮,真係忍唔住要讚下毛記電視搵黎「繁忙兒童合唱團」同劉小華幫港孩發聲。而事實上,正響大家睇到哈哈大笑既同時,我鼻酸酸眼紅紅,正確黎講,係又喊又笑…

 

12400637_10153378312701586_1789320404271481493_n

 

Picture1

 
 
究竟一個教制要幾衰幾壞,先可以逼到一班細路要唱衰自己再挖苦一番? 從前我地好鐘意返學,我地好尊重既師長又去晒邊度?? 點解為左高分、為左學校名聲,老師們只愛讀書叻,極度進取既學生?? 又因為學校同老師既呢種不知所謂既教育方針,衍生出一班誓要逼死仔女既怪獸家長。一堆堆問題湧起,無奈,令我響聽緊佢地仲未變聲既高音key之時,我確實係聽得好心痛。如果你地都有同感的話,做多少少,至少比自己仔女多D playtime,少D補習班。反對教育界中對你地仔女唔好既提案考試,引起多D關注,大家都可以為自己下一代出一分力!