兒童抽動症於成年後有三個結果,其一係徹底痊癒、其二係症狀減輕、其三……

作為一個小朋友嘅家長,我嘅想法係,雖然佢發作時係咁全日不停擘口嗡鼻,老實講睇見都真係煩嘅,但我哋盡量當佢透明,完全無視佢呢啲動靜。因為你目光奇異,心情煩燥,係絕對只會令佢病情惡化,何苦呢?你望完佢又唔會即刻冇事嘅,不如接受啦。

 

以同理心接受兒子
如果真係大動作到影響返學影響社交,咪食藥囉,又唔係不治之症。人一定會有病痛,睇下中邊樣,而家呢啲正所謂你睇到佢睇唔到,你寧願佢不痛不癢,定還是臥病在床?人總要向好方面諗吧!

 

再講,3年級嘅小朋友開始懂性了,家庭教育了9年,應該懂得尊重別人及有同理心吧!正常返學應該不成問題,我兩個仔都知道不可取笑別人,而學校對()係絕對嚴厲的,呢樣就不必擔心。

 

面對自己呢少少不幸,我會同仔講,你有事其實都可以係好事,唔需要害怕面對同學朋友。只要你換個角度諗,你有事時,仲會日日響你身邊陪你同你玩嘅,先係你值得花時間花心機去交嘅朋友。有好多人,只能共同甘,不能共苦,嘻嘻哈哈一大堆人,但你失意時,唔怕畀人講畀人笑埋一份都陪住你嘅,先係真友情!

 

真心朋友的考驗
我哋大人都係啦,有事發生,先睇得清楚邊啲係真朋友,咪當整理下個Friend List囉,好事嚟嘅。

 

網友話,同我傾完個人舒服咗,我好正能量,好正面,咁我都好開心幫到佢,有時你身在逆境,真係唔知搵邊個打救,搵個一樣驚驚青青嘅,開解唔到仲衰多幾成,我好明白。

 

 

成為「幸運的三分之一」
寫到呢度,我突然諗起大學時一個數學老師。記得當年上佢堂,佢keep住係一邊寫黑版,一邊好大動作咁用手撥頭髮,頭幾堂都覺得古怪嘅,之後睇慣左又冇野喇,相信佢都係患者。

 

睇過資料,當步入青年期,約有三分一嘅患者症狀係會完全消失,有三分一患者係會續漸減輕症狀,只有三分一患者會持續到成年。所以當我之前響Facebook Page提起時,好多網友都話細個係咁重覆抽蓄肌肉,當時冇學名嘅,只會以為小朋友整古做怪,但大大下就冇再咁整,可能大家就係幸運的三分之一了,祝福我哋嘅小朋友都可以係幸運嘅一群吧!