美國對於保障兒童做得好足,更有網站呼籲學生報告任何欺凌,相反香港人就好鬼怕事……

在美國住了20年,在我所見美國人同香港人其中一樣幾大嘅分別,係美國人善於為自己發聲爭取權益,而香港人一般自己遇事(或見身邊有人遇事)會選擇啞忍唔出聲。近幾年自己小朋友入學,發現呢樣嘢原來幾關乎於從小嘅教育方式。

 

呢邊嘅學校,好鼓勵小朋友“”,特別是遇到欺凌同騷擾時。電視廣告www.gospeakup.com同時配合呼籲任何年紀學生報告任何欺凌,無論係發生於老師或同學之間,都可以報告,以減少社會問題發生。我覺得咁樣好好,小朋友從小學習保護自己,以正確途徑為自己發聲,成長可以更正面。

 

香港人習慣啞忍
而香港教育催毀學生的,正正就係為自己發聲,爭取公平!我諗大家響香港讀書長大的,都知道得罪 Miss 阿 Sir 冇運行,主任們老師們就係神,佢哋嘅決定永遠正確,而就算佢哋錯了,好多時為咗面子,都唔會直認道歉。呢個現象,其實直接影響長大後的大家,一樣遇事不敢發聲,覺得算啦又唔係甚麼大事,無謂爭取。

 

好似早前響 Facebook 見到一個 PO,係一張小學功課紙,明明小朋友做對了珠算題目,但老師竟然因為小朋友畫的珠粒大小不完全一樣,而扣了2分!!此舉除咗要打擊一個努力做功課的小朋友外,我見唔到對教育有任何益處。為人師表,除咗教育學生知識外,更重要嘅係幫助學生建立信心,無論於功課學習上,還是性格交際上。

 

未必成功都要爭取!
學校就係一個畀學生預演人生嘅小社會吧,老師擔演一個非常重要嘅角色,可影響學生整個人生。果位學生嘅媽咪揚言要返學校為小朋友爭取果 2 分,我好支持!係自己應得嘅嘢,就要爭取!即使老師依然扣分,但在小朋友面前,媽咪嘅做法係個好榜樣,我哋講緊嘅爭取,唔一定有預期結果,但至少你為自己相信嘅嘢 ,呢個係正確做人態度。

 

最恐怖嘅係,該 PO 竟然有人同意老師做法,原因竟然係覺得要畀小朋友知道呢個世界係有不公平,做父母應該教小朋友接受,而不是投訴,長大後才能在不公平的社會上生存等等。

 

哇!我真係睇到眼都突埋!難怪大家對社會上不公之事能夠咁冷漠。就算係想小朋友及早知道社會問題,都唔係用呢個方式去表達吧,何況你根本唔使擔心佢出到社會會唔知道香港社會嘅運作方式。

 

唔知留言嘅人,係咪見到自己父母子女被人打劫非禮都唔會出聲報警呢?以佢呢套思維,係要接受不公平架喎!唔係點能夠響呢個社會生存?
(續)